| e-texts navigator |
| Wylie |
357a1 འབར་བའི་ཡིག་འབྲུ་བརྒྱད།། རྩ་བའི་དཀྱིལ་འཁོར་རབ་རྫོགས་པ།། བར་ཆད་མེད་པའི་བརྩོན་འགྲུས་ཀྱིས།། མཚན་མ་ཐོབ་པའི་བར་དུ་བཟླས།། དུས་དྲུག་ཚོགས་ཀྱི་མཆོད་པ་དང་།། དུས་བཞིར
357a2 བར་ཆད་བསལ་བ་དང་།། སྟོང་ཚིག་མཆོད་བསྟོད་བཟླས་པ་ནི།། བར་ཆད་མེད་པ་ཆུ་བོ་བཞིན།། གཟུགས་དང་སྒྲ་དང་དྲི་དང་རོ།། རྣལ་འབྱོར་ཡུམ་དང་མཆེད་ལྕམ་ལ།། གསང་བའི་དངོས་གྲུབ་མཚན་ཐོབ
357a3 ནས།། རྫས་ལ་བརྟེན་ཏེ་དངོས་གྲུབ་བླང་།། སྔ་མ་ལས་ནི་གནས་བསྒྱུར་ཏེ།། རང་རང་ཆོ་ག་ཇི་བཞིན་སྦྱར།། མཆོད་བསྟོད་ཇི་བཞིན་རབ་རྫོགས་ནས།། དངོས་གྲུབ་བདག་ལ་བསྡུ་བར་བྱ།། དང་པོར་བག་ཆགས
357a4 སྦྱངས་བྱས་ཏེ།། གཉིས་པས་རྒྱལ་བའི་སྲས་སུ་བྱ།། གསུམ་པ་དངོས་གྲུབ་རྫས་ལ་གདབ།། བཞི་པས་དངོས་གྲུབ་བླང་བར་བྱ།། དཀྱིལ་འཁོར་ཆེན་པོར་འཇུག་པ་དང་།། དབང་བསྐུར་ཆོ་གའི་རིམ་པ་བཞིན།། དེ
357a5 ནས་དངོས་གྲུབ་རིམ་པས་བླང་།། ལྷག་མའི་ཆོ་ག་རིམ་པ་དང་།། མཚམས་ཀྱི་རིམ་པ་དགྲོལ་བར་བྱ།། ཞེས་གསུངས་སོ།། དཔལ་ཧེ་རུ་ཀ་འདུས་པའི་རྒྱུད་ཆེན་པོ་ལས། ཟླ་གམ་དགུ་པའི་སྒྲུབ་ལུགས་ཀྱི་ལེའུ་སྟེ་བཅུ
357a6 བདུན་པའོ།། །། དེ་ནས་བཅོམ་ལྡན་འདས་དཔལ་ཡེ་ཤེས་རྔམ་པའི་རྒྱལ་པོས། དུར་ཁྲོད་ཆེན་པོ་བསྒྲུབ་པའི། དཀྱིལ་འཁོར་ཟླ་གམ་བཅོ་བརྒྱད་པ་འདི་གསུངས་སོ།། འབར་བའི་རྒྱལ་པོ་བསྒྲུབ་འདོད
iiif viewer powered by OpenSeadragon
