| e-texts navigator |
| Wylie |
355b1 བླ་མ་ལ།། འཁོར་གསུམ་ཡོངས་དག་མཆོད་པར་འབུལ།། འདི་ལྟར་བསྒྲུབས་ཤིང་བསྒོམ་པས་ན།། ཉི་ཟླ་འོད་ལ་འདུག་ནས་ཀྱང་།། ལུས་ལ་ཆོ་འཕྲུལ་བཞིས་བསྟན་ནས།། སྒྲ་དང་འོད་ཀྱིས་གང་བྱས་ནས།། མ
355b2 ལུས་སྤྲོ་བ་བསྐྱེད་བྱས་ནས།། ཡང་དག་བསྒྲུབ་པའི་ཞིང་ཁམས་སུ།། རེ་དོགས་མེད་པར་སངས་རྒྱས་སོ།། ཞེས་གསུངས་སོ།། དཔལ་ཧེ་རུ་ཀ་འདུས་པའི་རྒྱུད་ཆེན་པོ་ལས། དཔལ་ཧེ་རུ་ཀ་ཡབ་ཡུམ་སྒྲུབ་པའི་ལེའུ
355b3 སྟེ་བཅུ་དྲུག་པའོ།། །། དེ་ནས་ཡང་གསང་བའི་བདག་པོས། བཅོམ་ལྡན་འདས་ལ་འདི་སྐད་ཅེས་གསོལ་ཏོ།། ཕྱོགས་བཅུའི་སངས་རྒྱས་ཐམས་ཅད་ཀྱི།། རང་བྱུང་འབར་བའི་རྒྱལ་པོ་ཁྱོད།། དུར་ཁྲོད་འབར
355b4 བའི་དཀྱིལ་འཁོར་རྣམས།། བདག་ལ་ལེགས་པར་བཤད་དུ་གསོལ།། དེ་ནས་དེ་བཞིན་གཤེགས་པ་ཐམས་ཅད་ཀྱི་ངོ་བོ་དཔལ་ཡེ་ཤེས་རྔམ་པའི་རྒྱལ་པོས་འདི་སྐད་ཅེས་གསུངས་སོ།། དུར་ཁྲོད་ཆེན་པོར་རབ
355b5 དབེན་པས།། སྐྱེ་བོ་འདུས་དང་རྣམ་བྲལ་ཞིང་།། སྐྱོན་བྲལ་ཡོན་ཏན་ཀུན་རྫོགས་པའི།། བདག་དབང་བར་ཆད་མེད་པའི་སར།། སྔོན་བྱའི་ཆོ་ག་རྫོགས་པ་དང་།། ས་ནི་དག་པར་གཟུང་བྱ་སྟེ།། དཀྱིལ་འཁོར་ཚད
355b6 དང་ལྡན་པར་བྱ།། མཐུ་ཆེན་རྒྱལ་པོ་སྡེ་བཞི་ལ།། བར་ཆད་བསལ་བའི་ལས་བཅོལ་ནས།། ཕྱོགས་བཅུ་ཁྲོ་བོའི་བྱིན་རླབས་ཀྱིས།། ཕྱོགས་སྐྱོང་སོ་སོར་གཟིར་ནས་ཀྱང་།། གནས་ཀྱི་སྲུང་མར་བསྒོ་བ་དང་།། རང
iiif viewer powered by OpenSeadragon
