| e-texts navigator |
| Wylie |
355a1 བའི་རྒྱལ་པོ་ཧེ་རུ་ཀ། ཁམས་གསུམ་རྒྱུ་བ་ཟིལ་གྱིས་གནན།། འདོད་ཆགས་དབང་མོ་མན་ངག་གིས།། བདེ་ཆེན་སྐྱོན་དང་བྲལ་བར་བྱ།། གཉིས་མེད་ཉི་ཟླ་ཁ་སྦྱོར་གྱིས།། ས་གསུམ་སྐུ་གསུམ་དུས
355a2 གཅིག་གནོན།། ཡབ་ཡུམ་གཉིས་མེད་རང་བཞིན་གྱིས།། བརྟག་པ་རྣམ་པ་གསུམ་དུ་གསུངས།། དང་པོ་གཉིས་པ་གསུམ་པ་ནི།། ཕོ་མོ་ལྷ་དང་ལྷ་མོར་ནི།། རིག་པ་སྟོང་པའི་རང་བཞིན་གྱིས།། ཡབ་ཡུམ་ཆགས་དང
355a3 མཛེས་པ་ཡིས།། བརྟག་དང་གོམས་པའི་སྟོབས་ལས་བྱུང་།། རིགས་པའི་དཀྱིལ་འཁོར་འོད་འདུས་པས།། ཐིག་ལེ་འོད་ཀྱི་གོང་བུར་གསལ།། དེ་ལས་རང་གི་ལྷར་བསྐྱེད་ཅིང་།། སྤྱན་དྲང་མཆོད་པ་རྒྱུན་དུ་བྱ།། རང
355a4 ཉིད་བརྟན་པར་མ་གྱུར་པས།། དགེས་ཤིང་ཐ་མལ་སྤྱོད་པས་མིན།། ཚོགས་ཀྱི་ཡོ་བྱད་འདི་དག་ནི།། དང་པོར་ལྷ་ལ་མཆོད་པ་སྟེ།། བར་པ་རྣལ་འབྱོར་མཉེས་བྱས་ནས།། ཐ་མས་ལྷག་མའི་མཆོད་པ་ཉིད།། དང
355a5 པོར་རང་རང་བསྐྱེད་པ་དང་།། གཉིས་པས་གདན་སྟེང་གནས་ནས་དགུག། གསུམ་པ་ཟིལ་མནན་དམ་ཚིག་བསྲེ།། བཞི་པ་རང་སྔགས་རྫས་ཀྱིས་མཆོད།། ལྔ་པ་དམ་བདར་ཕྲིན་ལས་བཅོལ།། དྲུག་པ་ཁ་ཆུས་དབང
355a6 དུ་བྲན།། བདུན་པ་དང་པོར་སྦྱིན་བསྲེག་བྱ།། བརྒྱད་པས་གཏེར་སྦ་རྒྱ་ཡིས་གདབ།། ཐ་མ་ཟ་ལམ་བསྟན་ནས་ཀྱང་།། མ་ལུས་ཁྱབ་པའི་ཚུལ་དུ་བསྔོ།། དཀྱིལ་འཁོར་བསྡུ་ཞིང་སྤྱོད་ལམ་བྱའོ།། འགྲོ་ལ་སྦྱིན་གཏང
iiif viewer powered by OpenSeadragon
