| e-texts navigator |
| Wylie |
354b1 བཟློག་པ་དང་།། དཀྱིལ་འཁོར་བསྐྱེད་དང་དབབ་བསྟིམ་དང་།། མཆོད་བསྟོད་བཟླས་ཤིང་དངོས་གྲུབ་གསོལ།། སློབ་མ་འཇུག་དང་དབང་བསྐུར་དང་།། སྒྲུབ་པའི་གནང་བ་སྦྱིན་པར་བྱ།། དེ་ནས་ཅི་ལའང་ཐོགས
354b2 པ་མེད།། དཀྱིལ་འཁོར་རྒྱས་དང་བསྡུས་པ་དང་།། དཀྱིལ་འཁོར་ཀུན་གྱི་སྙིང་པོའོ།། དངོས་གྲུབ་བཅུད་བསྡུས་འབྲུ་བརྒྱད་དེ།། དེ་ལས་གཞན་པའི་སྙིང་པོ་མེད།། དེ་བས་བཟླས་པའི་སྙིང་པོ་སྦྱིན།། ཨོཾ་རུ་ལུ་རུ་ལུ
354b3 ཧཱུཾ་བྷྱོ་ཧཱུཾ། ཨོཾ་ནི་རྒྱལ་བ་ཡབ་ཡུམ་བཅུ།། རུ་ལུ་གོང་མ་ཁྲོ་མོ་བརྒྱད།། རུ་ལུ་འོག་མ་ཕྲ་མེན་བརྒྱད།། ཧཱུཾ་ནི་ཕྱག་རྒྱ་སྒོ་མ་བཞི།། བྷྱོ་ནི་བྲན་མོ་ཉི་ཤུ་བརྒྱད།། ཧཱུཾ་ནི་བྱང་ཆུབ་སེམས་ཀྱི་ངང་།། འབར་བའི་དཀྱིལ་འཁོར
354b4 མ་ལུས་པའི།། བཟླས་པའི་མཆོག་ནི་འདི་ལས་མེད།། དང་པོར་འདུན་པས་བག་ཆགས་སྦྱང་།། གཉིས་སུ་དགའ་བས་སྣོད་དུ་རུང་།། གསུམ་པ་དབང་གི་དངོས་གྲུབ་རླབ།། ཐ་མ་འགྲུབ་པར་དངོས་གྲུབ
354b5 བླང་།། གནས་གསུམ་འཕྲོ་འདུ་འོད་ཕྲེང་གིས།། ཕྱི་ནང་བདག་གཞན་བག་ཆགས་སྦྱང་།། མ་ལུས་བདག་ཉིད་སྣོད་དུ་རུང་།། མ་ལུས་སྐུ་གསུང་ཐུགས་ཉིད་ནི།། བདག་གམ་དངོས་གྲུབ་རྫས་ལ་དབབ།། དེ་ཡང་ཕྱག
354b6 རྒྱ་བཞི་ཉིད་ཀྱིས།། བདག་གིས་བསྡུས་མཆོད་རོལ་པར་བྱ།། སྐུ་ནི་འཇའ་ཚོན་ཆུ་ཟླ་བཞིན།། གསུང་ནི་སྒྲ་བརྙན་བྲག་ཆ་སྟེ།། ཐུགས་ནི་སྤྲིན་མེད་ནམ་མཁའ་བཞིན།། འདི་ནི་སྤྲོས་བཅས་མན་ངག་ཡིན།། འབར
iiif viewer powered by OpenSeadragon
