| e-texts navigator |
| Wylie |
353a1 དུ་གསོལ།། ཞེས་གསོལ་བ་ལས་བཅོམ་ལྡན་འདས། ཡེ་ཤེས་རྔམ་པའི་རྒྱལ་པོ་ཡིས།། འདི་སྐད་ཅེས་ནི་བཀའ་སྩལ་ཏོ།། ཕྱོགས་བཅུའི་རྒྱལ་བའི་ངོ་བོ་ནི།། མ་སྐྱེས་བདེ་ཆེན་ཧེ་རུ་ཀ། གཉིས
353a2 མེད་ཐིག་ལེ་འོད་གསལ་བ།། ཕྱག་རྒྱ་གཅིག་པ་ཞེས་བཤད་དོ།། དང་པོར་དུར་ཁྲོད་ཆེན་པོ་ནི།། རབ་དབེན་ཡིད་འཐད་གནས་ཆེན་པོར།། སྣང་དང་མི་སྣང་བདག་པོ་ལ།། བསླང་དང་བྱིན་བརླབས་བགེགས་བཅོམ
353a3 ལ།། ཆོ་ག་རྒྱས་པར་བརྩམ་པར་བྱ།། བར་ཆད་ཀུན་བྲལ་བདག་པོའི་སེམས།། ལྷན་ཅིག་བདག་ཉིད་གནས་པར་བྱ།། འཇིགས་དང་རེ་དོགས་རྣམ་པར་སྤང་།། གཙང་དང་དད་ལྡན་དཀའ་ཐུབ་བྲལ།། བརྟུལ་ཞུགས
353a4 ཆེ་ཞིང་སྦྱོར་བ་ཡིས།། དབང་དང་དམ་ཚིག་ལྡན་པ་དང་། ཁུ་འཕྲིགས་ཆུང་ཞིང་བརྟན་པ་དང་།། གདེང་ལྡན་པར་ཆད་བསམ་པ་མེད།། སྙིང་རྗེར་ལྡན་ཞིང་ལེ་ལོ་མེད།། ཏིང་འཛིན་སྔགས་དང་ཆོ་གར་ལྡན།། གང
353a5 ཞིག་མི་བསྟན་གང་ཟག་ནི།། གསང་ཆུང་ལེ་ལོ་སེར་སྣ་ཆེ།། སྒྲོ་སྐུར་གྲོགས་པོའི་ཉམས་ལེན་ཅིང་།། ཕྱི་ནང་ཅན་དང་དཀའ་ཐུབ་ཅན།། གཙང་སྦྲ་ཅན་དང་འཛིན་རྟོག་ཅན།། སྒྲོ་སྐུར་ཅན་དང་བརྐམ་ཆགས
353a6 ཅན།། འདོད་ཆགས་ཞེ་སྡང་གཏི་མུག་དང་།། ང་རྒྱལ་ཕྲག་དོག་ལྡན་པ་སྤང་།། དུར་ཁྲོད་རྫས་ལ་བརྟེན་པ་ཡི།། མཆོད་པ་ལྔ་དང་བསྒྲུབ་པའི་རྫས།། ཤ་ལྔ་བདུད་རྩི་ལྔ་ལ་སོགས།། བནྡྷ་ཞིང་ཆེན་རྐང་གླིང
iiif viewer powered by OpenSeadragon
