| e-texts navigator |
| Wylie |
352b1 འབད་མེད་བདེ་བ་ཡིས།། ལོ་ཟླ་དུས་ཚོད་བྲལ་བ་ཡི།། ད་ལྟ་ཉིད་དུ་བདེ་མཆོག་འགྲུབ།། དཀའ་དང་འབྲལ་བ་མེད་པ་ནི།། ཐུན་མོང་དངོས་གྲུབ་སྨོས་ཅི་དགོས།། བདེ་ཞིང་ཤེས་རབ་ལྡན་པ་དང་།། མཁས་དང
352b2 ལོངས་སྤྱོད་ཀུན་རྫོགས་ཀྱང་།། དབང་བསྐུར་གནང་བ་མ་ཐོབ་པར།། དངོས་གྲུབ་གང་ཡང་མི་འབྱུང་སྟེ།། སྐྱེ་བོ་ཉིད་དུ་འགྱུར་ཕྱིར་རོ།། དེ་བས་གང་ཟག་དམན་པ་དེས།། དབང་དང་མན་ངག་བྲལ་བ
352b3 ཡིས།། གསང་བའི་དོན་ལ་ཅི་སྤྱད་ཀྱང་།། བླུན་པོས་རལ་གྲི་བསྐོར་བ་ལྟར།། འདོད་པའི་དོན་དང་བྲལ་ནས་ཀྱང་།། རང་ཉིད་བརླག་ཅིང་འཆི་བར་གྱུར།། དབང་ནི་ནུས་པ་ཞེས་བཤད་ཅིང་།། ནུས་པ་རིམ་པ་གང
352b4 འཕེལ་བ།། ལམ་དང་ཏིང་འཛིན་ཁྱད་པར་ཏེ།། སྤྱོད་པ་དག་ཀྱང་ཤེས་པར་བྱ།། གང་ལ་གང་ནི་ནུས་མེད་ན།། དེ་ལ་དེ་བསྐུར་ནུས་པ་མེད།། དེ་བས་དེ་ཡང་ནུས་མེད་པས།། དབང་ཐོབ་མ་ཡིན་དམན་པ
352b5 ཡིན།། ཞེས་གསུངས་སོ།། དཔལ་ཧེ་རུ་ཀ་འདུས་པའི་རྒྱུད་ལས། དབང་བསྐུར་བའི་ཆོ་ག་བསྟན་པའི་ལེའུ་སྟེ་བཅོ་ལྔ་པའོ།། །། དེ་ནས་གསང་བའི་བདག་པོ་ཡིས།། བཅོམ་ལྡན་འདས་ལ་འདི་སྐད་ཅེས
352b6 གསོལ་ཏོ།། དུས་གསུམ་རྒྱལ་བ་ཐམས་ཅད་ཀྱི།། སྐུ་གསུང་ཐུགས་ཀྱི་ངོ་བོ་ཉིད།། འབར་བའི་རྒྱལ་པོ་ཧེ་རུ་ཀ། ཡེ་ཤེས་གཙོ་ལ་ཕྱག་འཚལ་ལོ།། འབར་བའི་སྐུ་གསུང་ཐུགས་བསྟན་ཕྱིར།། ཕྱག་རྒྱ་གཅིག་པ་བཤད
iiif viewer powered by OpenSeadragon
