| e-texts navigator |
| Wylie |
352a1 ཡང་།། ཐབས་དང་རླུང་ལ་བརྟེན་པ་ཡིས།། བྱང་ཆུབ་སེམས་ནི་འཕོ་བ་མེད།། བྱང་ཆུབ་སེམས་སྤངས་རྣམ་པར་རྒྱལ།། ལུས་རྒུད་རྣམ་ཤེས་བྱིང་གྱུར་པས།། གལ་ཏེ་དེ་ལྷའི་རྟགས་བྱུང་ན།། རྨི་ལམ
352a2 དུའང་ནན་ཏན་བྱ།། གལ་ཏེ་ཐབས་དང་སྟོབས་བྲལ་ན།། འདུ་བྱེད་སྤངས་ཏེ་ལྕེ་ཡིས་བླང་།། དང་པོར་རྒྱལ་རིགས་བྲམ་ཟེ་མོ།། དེ་ནས་ཡིད་ཀྱི་ལྷ་མོ་སྟེ།། དེ་ནས་ཏིང་འཛིན་མངོན་སྣང་ཡིན།། ཐ་མ་མི་ཤེས་ལྷ་མོ
352a3 ལྔ།། ཆགས་དང་མཛེས་པར་རོལ་བ་ཡིས།། ནམ་མཁའ་མཐའ་གཏུགས་སྣང་བ་ཀུན།། བདེ་ཆེན་མི་རྟོག་གཟུགས་སུ་འབར།། དངས་སྙིགས་རྒྱུ་རྐྱེན་སྐྱེ་འགག་མེད།། ཇི་སྲིད་ནམ་མཁའི་མཐས་གཏུགས་པར།། བདེ
352a4 བ་ཆེན་པོ་འཕེལ་འགྲིབ་མེད།། ཤེས་པ་འདུས་པའི་རིམ་པ་ཡིས།། བདུད་རྩི་ཐིག་ལེར་འཇུག་པ་དང་།། རེ་དོགས་བཅས་པའི་ཡིད་མིན་པས།། འཆི་འཕོའི་དུས་དང་མཚམས་སྦྱར་ཡིན།། དེ་ལ་གང་དུ་ཅི་སྐྱེས
352a5 པ།། མ་ལུས་སྒྱུ་མར་སྣང་ན་ནི།། སྒྱུ་མའི་ཡེ་ཤེས་བདེ་ཆེན་ཏེ།། འདི་དང་བར་མར་དབྱེར་མེད་པས།། སྐྱེ་འཆི་འཕོ་འགྱུར་གནས་དང་བྲལ།། རྒྱལ་བའི་དཀྱིལ་འཁོར་བཀོད་པ་ལ།། མཐོང་དང་མོས་པ་མཆོད་པས
352a6 ཀྱང་།། རྡོ་རྗེ་འཛིན་དང་མཉམ་འགྱུར་ནས།། ཚེ་འདིའི་བདེ་བ་ཐོབ་འགྱུར་ན།། བཅུག་ཅིང་དབང་བསྐུར་ཐོབ་པ་དང་།། བསྒོམས་དང་ཉམས་ལ་གནས་པ་དང་།། བརྟན་ཞིང་ཡོངས་སུ་རྫོགས་པ་ཉིད།། དཀའ་ཐུབ
iiif viewer powered by OpenSeadragon
