| e-texts navigator |
| Wylie |
351b1 ཁམས་དང་མཉམ་པ་ཡི།། ཡིད་ནི་རབ་ཏུ་ཕམ་མཛད་ནས།། བདེ་ཆེན་མི་རྟོག་འོད་དུ་འབར།། སྤྱོད་ཡུལ་འདོད་ཡོན་དྲན་རྟོག་རྣམས།། བདེ་བ་ཆེན་པོའི་ངང་དུ་ནུབ།། མ་ལུས་འོད་གསལ་བདེ་ཆེན་པོ།། ཕྱོགས
351b2 འཛིན་ཡིད་ཀྱི་རྟོག་པ་སྤང་།། བདེ་ཆེན་ཡེ་ཤེས་མངོན་དུ་འབར།། ཕྱི་ནང་བཅུ་དྲུག་བཅོ་བརྒྱད་མ།། པདྨ་འམ་ཨུཏྤལ་ཁ་ཕྱེ་འདྲ།། ཟླ་བ་ལྡན་ཞིང་ཆ་བྱད་སྒེག། སྐེད་པ་ཕྲ་ལ་ཤ་མདངས་སྲབ།། འདོད་པ་རྒྱས་ལ
351b3 སྦྱོར་ཐབས་མཁས།། བརླིང་ཞིང་འཇིགས་མེད་དཔའ་བོ་ལ།། ཆོ་གའི་ཁྱད་པར་ཅི་འཚམས་པར།། རྒྱས་པར་ལེགས་པར་བྱས་ནས་ནི།། ཟས་དང་རླུང་དང་སྤྱོད་ལམ་གྱིས།། བསྙེན་པའི་ཆོ་ག་རྫོགས་ནས་ནི།། རྡོ་རྗེ
351b4 ལྷ་མོ་མཉམ་སྦྱར་ནས།། གསུམ་པའི་ཚད་ནས་མཉམ་སྦྱར་ཞིང་།། རང་ལུས་འདེ་བས་མ་རྒྱས་པར།། སྤྱད་དང་བརྟག་དང་འདྲིས་པར་བྱ།། དང་པོར་ལུས་ཀྱི་བདེ་བ་ཡིས།། དེ་ནས་རེག་པའི་བདེ་བ་ཉིད།། ཆུ་བོ་ལྟ
351b5 བུར་གནས་པར་བྱ།། དེ་ནས་སྣང་བའི་བདེ་བ་ཡིས།། ཟག་པ་ཟད་ཅིང་བར་ཆད་མེད།། སྡུག་བསྔལ་བདེར་སྨིན་འཆི་བ་མེད།། འདུ་འབྲལ་རླུང་ལ་དབང་ཐོབ་ཅིང་།། བདེ་བ་ཆེན་པོའི་ངོ་བོར་འཇུག། དེ་ནས་བདེ་བ
351b6 ཆེན་པོ་ཉིད།། རང་གི་ངོ་བོས་རྟག་ཏུ་སྟོར།། སྟོང་པའི་ཐིག་ལེ་གཡོ་བ་མེད།། བདེ་ཆེན་ཐིག་ལེ་རྒྱུ་བ་མེད།། བདེ་ཆེན་ནུས་པ་བརྟན་གྱི་བར།། རྟོག་པའི་ཆོ་ག་མ་ཡིན་པས།། ལྷ་མོ་སྟོང་དང་མཉམ་སྦྱར
iiif viewer powered by OpenSeadragon
