| e-texts navigator |
| Wylie |
351a1 ཏ་ལའི་འབྲས་བུ་འདྲ།། རྡོ་རྗེའི་མཚོན་གྱིས་མ་ཕོག་པར།། འདོད་པ་རང་གི་གནས་ན་གནས།། སྔར་བཞིན་ཆོ་གས་སྦྱངས་བྱས་ནས།། ཐ་མལ་བཟློག་དང་ཆགས་པ་བསྐྱེད།། ཟས་དང་སྤྱོད་ལམ
351a2 བསྒྱུར་བ་དང་།། ལྷར་བསྐྱེད་དབང་བསྐུར་སྦྱོར་བ་བསླབ།། བྷ་གའི་དཀྱིལ་འཁོར་འཇུག་པ་དང་།། དམ་ཚིག་ལྷ་དབོག་དཀྱིལ་འཁོར་བསྟན།། རྡོ་རྗེ་སློབ་མ་ཆགས་པ་ཅན།། རྒས་དང་བུས་པ་མ་ནིང་མིན།། དབང
351a3 པོ་དར་ཞིང་བརྟུལ་ཞུགས་ཅན།། འཛག་མེད་རླུང་གི་དེ་ཉིད་མཁས།། འཁོར་ལོ་ཕོ་བྲང་གསལ་བ་དང་།། ཆགས་པ་བདེ་རྒྱས་རྟགས་བྱུང་ན།། བླ་མས་སློབ་མའི་ལག་བཟུང་ལ།། སྦྱོར་བའི་ཆོ་གས་སྦྱོར་བྱས
351a4 ལ།། དགའ་དང་བདེ་དང་ཆགས་པ་དང་།། རེ་དོགས་བཅད་པའི་ཉམས་བརྟག་ཅིང་།། རྡོ་རྗེའི་མིང་དང་གསང་བའི་མིང་།། བདེ་ཆེན་ལྷན་ཅིག་སྐྱེས་པའི་མིང་།། མིང་དང་བྲལ་བའི་ཚུལ་གྱིས་ནི།། རྡོ་རྗེ་དབང་གི་ཆོ
351a5 ག་བྱས།། དང་པོར་རིགས་དང་ལྷ་ཉིད་དེ།། གཉིས་པ་གསུམ་པ་ཡི་གེ་ལྔ།། བཞི་པ་དྲན་རྟོག་སྤྱོད་ཡུལ་ཀུན།། བདེ་ཆེན་སྟོང་ཉིད་ངང་དུ་ནུབ།། ཐིག་ལེ་ཉི་ཟླ་གང་བཟུང་བ།། བག་ཆགས་གསུམ་དང་བྲལ་བ
351a6 ཡིས།། དུས་གཅིག་ཐིག་ལེས་ཁྱབ་པའི་མཐུས།། བདེ་ཆེན་ལྷན་ཅིག་སྐྱེས་པར་གསལ།། ཆགས་པ་མ་ཡིན་ཆགས་བྲལ་མིན།། དབུ་མ་ཙམ་དུའང་མ་ཡིན་ཏེ།། བག་ཆགས་རྟོག་པ་རྣམ་འཇིག་ཅིང་།། ནམ་མཁའི
iiif viewer powered by OpenSeadragon
