| e-texts navigator |
| Wylie |
350b1 བའི་སྤྱོད་ལ་དགའ།། གསང་བའི་དོན་མཆོག་བསྒྲུབ་པའི་ཕྱིར།། ཐབས་དང་རྫས་དང་ཏིང་འཛིན་དང་།། སྔགས་ཀྱི་སྦྱོར་བ་ལ་བརྟེན་ཏེ།། ཆོ་ག་བཞི་ཡིས་དབང་དུ་བྱ།། ཐ་མལ་སྤྱོད་པ་སྤངས་བྱས་ཏེ། ཁྲུས་དང
350b2 བྱུག་པ་ཁ་སྤོས་དང་།། གོས་རྒྱན་ཆགས་པ་སྐྱེད་པར་བྱེད།། ཡིད་འོང་སྤྱོད་དང་དབྱངས་ཀྱིས་མཆོད།། འདུ་ཤེས་གསུམ་ལྡན་སྦྱོར་བ་ཡིས།། ལྷར་བསྐྱེད་གསང་གནས་སྐྱེ་མཆེད་དག། ཐ་མལ་ཆགས་པ་སྤང་ཕྱིར
350b3 བརླབ།། ཅི་ནས་ཡིད་ནི་མི་སྐྱོ་བར།། རྡོ་རྗེ་ཐབས་ཀྱིས་ནན་ཏན་བྱ།། ཐ་མལ་དམིགས་པ་མི་གནས་ཕྱིར།། དམིགས་པ་གསུམ་ལྡན་ཏིང་འཛིན་སྐྱེས།། ཕྱག་རྒྱ་བཞི་རོལ་པ་བྱ།། རྡོ་རྗེ་སློབ་དཔོན་བདེ
350b4 ཆེན་པོ།། གཙོ་བོ་འདོད་ཆགས་ཏིང་འཛིན་གྱིས།། སངས་རྒྱས་རྡུལ་སྙེད་བདག་བཞུགས་པར།། གཉི་གས་བརྟེན་པར་གསལ་བར་དུ།། དལ་དང་བསྐྱོད་དང་གཟུང་བ་ཡིས།། གསལ་བའི་ཐིག་ལེ་ནན་ཏན་བྱ།། རྡོ་རྗེ
350b5 ཉི་ཟླ་རྡུལ་སྙེད་གྲངས།། ཧེ་རུ་ཀས་ནི་མངོན་གསལ་ན།། ཐབས་དང་ཤེས་རབ་གཉིས་མེད་པས།། རྩེ་ནས་རྩེ་རུ་ཐིམ་པ་ལས།། གནས་ངན་ལེན་པ་ཀུན་སྦྱངས་ནས།། འཁོར་ལོ་འོད་ཀྱིས་གང་བ་ཡི།། རྡོ་རྗེ་ཐིག་ལེ
350b6 འོད་དུ་འབར།། བཅུ་གཉིས་བཅུ་བཞི་ཕྱག་རྒྱ་མོ།། དཀར་དམར་ཕྱེད་ཅིང་དད་པ་ཆེ།། སྙིང་སྟོབས་དང་ནི་ཆགས་པར་ལྡན།། ཤེས་རབ་ཆེ་ཞིང་སྦྱོར་ཐབས་མཁས།། དལ་ཞིང་བཀའ་བློ་བདེ་བ་དང་།། དཀར་འཛིན
iiif viewer powered by OpenSeadragon
