| e-texts navigator |
| Wylie |
349b1 རྗེ་བའི།། ཡིད་བཞིན་ནོར་བུ་ལྟ་བུ་ཉིད།། རྗེས་མཐུན་ཐུགས་རྗེས་ཁྱབ་པར་བྱེད།། སྣ་ཚོགས་ཆོ་གར་ལྡན་པ་ཡིས།། དད་དང་དམ་ཚིག་ལྡན་པ་ཡིས།། རྟེན་འབྲེལ་སྦྱོར་བ་མྱུར་འགྱུར་བ།། དཔེར་ན་མེ་དང་གཙུབ
349b2 ཤིང་བཞིན།། དང་པོར་ཐར་པའི་གྲོང་ཁྱེར་དུ།། འཇུག་པའི་ཚུལ་གྱིས་གསོལ་བ་གདབ།། སྔོན་དུ་རུང་བ་བྱས་པ་དང་།། དམ་ཚིག་སྡོམ་པ་ཐོབ་པ་དང་།། བྱིན་རླབས་ཡེ་ཤེས་མྱོང་བ་དང་།། བདག་དང་གཞན་དོན
349b3 ལྷུར་ལེན་པ།། འདོད་དང་སྦྱིན་པའི་ཚུལ་དག་གིས།། རིམ་པ་བཞིན་དུ་སྦྱིན་པར་བྱ།། བུམ་པ་དབུ་རྒྱན་ཅོད་པན་དང་།། ཕྲེང་བ་པོ་ཏི་རྒྱ་གྲམ་དང་།། འཁོར་ལོའི་མིང་དང་ཕྱག་རྒྱ་དང་།། ལོངས་སྤྱོད་བཅུ་ཡིས་དབང
349b4 སྐུར་བ།། ཐུན་མོང་དབང་དུ་རྒྱལ་བས་གསུངས།། རྡོ་རྗེ་དྲིལ་བུ་དམ་རྫས་དང་།། ཐོད་པ་ཞིང་དང་སྟག་ལྤགས་དང་།། ཀོ་བ་མེ་རི་གཤོག་པ་དང་།། སྦྲུལ་དང་ཟ་བྱེད་ཕྱག་རྒྱ་དང་།། ཡུམ་དང་ཐང་གཤོལ་མདའ་གཞུ
349b5 དང་།། རྒྱན་གསུམ་བཅས་པ་ལ་སོགས་པའི།། མཛེས་དང་སྡིག་དང་འབར་བ་དང་།། རོལ་པའི་རྫས་ཀྱིས་དབང་བསྐུར་རོ།། བདག་གཞན་བྱ་བ་ཡོངས་རྫོགས་ཕྱིར།། ཉན་བསྒོམ་ལ་སོགས་འཆད་པ་དང་།། རྡོ་རྗེ
349b6 སློབ་དཔོན་དབང་སྤྲིན་ལ།། ཐུན་མོང་ཕྱག་རྒྱའི་ཆོ་ག་བསྟན།། རང་ལ་གནས་པའི་དཀྱིལ་འཁོར་དག། རྣམ་པའི་ཚུལ་ཏེ་མཚོན་ཏེ་བསྟན།། ཕྱོགས་བཅུ་དུས་གསུམ་རྡུལ་སྙེད་ཀྱི།། སངས་རྒྱས་ཞིང་ཁམས་གཞལ
iiif viewer powered by OpenSeadragon
