| e-texts navigator |
| Wylie |
349a1 དུ།། ཚོགས་དང་གཏོར་མའི་སྦྱོར་བ་བྱ།། ཐུན་མོང་ཐུན་མོང་མ་ཡིན་པའི།། ལས་དང་ལམ་ནི་མྱུར་འགྲུབ་ན།། ཚོགས་དང་གཏོར་མ་བཟླས་པར་བྱ།། དེས་ན་གང་ཡིན་ལས་ལ་སྦྱར།། ཞེས་གསུངས
349a2 སོ།། དཔལ་ཧེ་རུ་ཀ་འདུས་པའི་རྒྱུད་ཆེན་པོ་ལས། མཆོད་པའི་ཡན་ལག་གི་ལེའུ་སྟེ་བཅུ་བཞི་པའོ།། །། དེ་ནས་ཡང་གསང་བའི་བདག་པོས། བཅོམ་ལྡན་འདས་ལ་འདི་སྐད་ཅེས་གསོལ་ཏོ།། དུས་གསུམ
349a3 སངས་རྒྱས་ཐམས་ཅད་ཀྱི།། གསང་བའི་དོན་ལ་བདག་འཇུག་ཕྱིར།། དབང་བསྐུར་སྣང་བ་རྨད་བྱུང་བ།། གང་ལགས་རིམ་པ་བདག་ལ་སྩོལ།། ཞེས་གསོལ་པ་ལས། དེ་བཞིན་གཤེགས་པ་དཔལ་ཡེ་ཤེས་རྔམ་པའི
349a4 རྒྱལ་པོས་འདི་སྐད་ཅེས་བཀའ་སྩལ་ཏོ།། དབང་བསྐུར་གནང་བ་ཐོབ་འདོད་པས།། སློབ་དཔོན་འབྲེལ་བའི་ཐབས་ལྡན་པ།། སྣོད་དང་ལྡན་པའི་སློབ་མ་ལ།། ཐབས་དང་ལྡན་པའི་དབང་བསྐུར་ཏེ།། ལམ་ལ་གནས
349a5 པའི་དབང་ཐོབ་པས།། གང་བསྒྲུབ་དབང་དུ་སྣང་བར་འགྱུར།། ཐབས་ཆེན་རྒྱུད་དང་བྲལ་བ་ཡི།། ཐ་མལ་གྲགས་འཆང་བླ་མ་ཡིས།། བླུན་པོ་གང་བསྒྲལ་འཁོར་བ་ལས།། གཉི་གས་སྡུག་བསྔལ་ཆེན་པོ
349a6 འཐོབ།། སྡུག་བསྔལ་དང་ལེན་བདེ་འདོད་པས།། ཅི་ནས་སྐྱོ་བའི་སེམས་བྲལ་བས།། ལས་དང་རྫས་སོགས་མ་ཆགས་པས།། བླ་མ་དག་ལ་བསྙེན་བཀུར་བྱ།། རྡོ་རྗེ་བླ་མ་དེ་བཞིན་གཤེགས།། འགྲོ་བ་ཀུན་ལ་སྙིང
iiif viewer powered by OpenSeadragon
