| e-texts navigator |
| Wylie |
348a1 ལུས་ཐབས།། སྟོང་ཞི་མ་བཅོས་དང་ལ་སྦྱར།། དེ་ཉིད་ཞི་བར་གནས་རྟོག་པ།། ཆོས་ཉིད་མ་བཅོས་གཏོར་མ་ཡིན།། རིགས་པ་མཐའ་བྲལ་སྣོད་ཆེན་དུ།། སྣ་ཚོགས་རིག་པའི་འདོན་ཡོན་ལྔ།། ནམ
348a2 མཁའ་ཁྱབ་པའི་སྟོབས་ཀྱིས་སྤྲུལ།། ཏིང་འཛིན་སྤྲུལ་པའི་གཏོར་མ་ཡིན།། མཚན་མ་རྫས་ཀྱི་ཁྱད་པར་ཡང་།། བཟའ་བཏུང་བྲོ་བའི་མཆོག་རྣམས་དང་།། ཤ་ལྔ་བདུད་རྩི་ལྔ་ལས་བྱས།། དག་ཅིང་བྱིན་བརླབས་ལྡན
348a3 པའོ།། ཕུང་པོ་ཆོས་ཀྱི་དབྱིངས་ཀྱི་ཡིན།། གཏུབ་པས་ཡེ་ཤེས་རོལ་པ་ཡིན། ཁམ་བུ་ཐུགས་རྗེ་སྤྲུལ་པར་བཤད།། ཆོས་དབྱིངས་མ་བཅོས་དབྱིངས་སུ་བསྡུས།། ཡེ་ཤེས་རོལ་པས་བྱིན་བརླབ་སྣང་།། ཤ་ཁྲག་དམར
348a4 གྱིས་མཁའ་འགྲོ་བརྟེན།། ཐུགས་རྗེས་འཕྲུལ་པས་ཕྱོགས་བཅུར་ཁྱབ།། དང་པོར་ཡེ་ཤེས་བདུད་རྩི་སྟེ།། དཀྱིལ་འཁོར་ཇི་བཞིན་སྦྱིན་བསྲེག་བྱ།། བར་མའི་འདོད་ཡོན་ལྔ་ཡི་སྟེ།། རྣལ་འབྱོར་མི་ཟད་གཏེར་དུ་སྦ།།
348a5 ཡུམ་ལྔའི་མཁའ་ཀློང་གནས་ལ་གཏད།། ཡེ་ཤེས་ལྔ་ཡི་རྒྱ་ཡིས་གདབ།། ཐ་མ་ལྷག་མའི་ཆོ་ག་གང་།། གནས་བདུན་ཡོངས་སུ་རྫོགས་ནས་ནི།། འཁོར་གྱི་མཁའ་འགྲོ་མཆོད་པ་དང་།། ཟ་ལམ་བསྟན་དང་སྦྱིན
348a6 བསྲེག་བྱ།། སྣང་སྲིད་སྣོད་བཅུད་མ་ལུས་པ།། རང་བཞིན་འདོད་པའི་ཡོན་ཏན་ལྔ།། ཕྱོགས་མེད་མཉེས་པར་རོལ་པ་ནི།། ཕྱོགས་བྲལ་ཆོས་དབྱིངས་གཏོར་མ་ཡིན།། བདག་ཉིད་དཀྱིལ་འཁོར་གསལ་བསྒོམས
iiif viewer powered by OpenSeadragon
