| e-texts navigator |
| Wylie |
347b1 བསྒྲུབས་པ་དང་།། ཚེ་འདི་ཉིད་ལ་འགྲུབ་པར་འགྱུར།། མོས་དང་དབང་པོ་ཆེ་བ་ཡིས།། བར་ཆད་མེད་པར་བརྩོན་བྱས་ན།། ལོ་ཕྱེད་བཞི་དང་ཟླ་བ་ཉིད།། བཅོ་བརྒྱད་ཀྱིས་ནི་འགྲུབ་པར་འགྱུར།། དམན་དང
347b2 བསྐལ་བ་ངན་པ་དང་།། ཤེས་རབ་ཡོ་བྱད་ཞན་པས་ཀྱང་།། ཐབས་ཀྱིས་ཆོ་ག་མ་ཉམས་པར།། དམ་པས་བསྟན་པ་བཞིན་བསྒྲུབས་ན།། ཚེ་འདིས་ཐོབ་པར་ཐེ་ཚོམ་མེད།། ཅེས་གསུངས་སོ།། དཔལ་ཧེ་རུ་ཀ་འདུས
347b3 པའི་རྒྱུད་ཆེན་པོ་ལས། དམ་ཚིག་བསྟན་པའི་ལེའུ་སྟེ་བཅུ་གསུམ་པའོ།། །། དེ་ནས་ཡང་གསང་བའི་བདག་པོ་དེས། བཅོམ་ལྡན་འདས་ལ་འདི་སྐད་ཅེས་གསོལ་ཏོ།། སངས་རྒྱས་ཀུན་གྱི་རང་བཞིན
347b4 དཔྱོད།། སངས་རྒྱས་ཀུན་གྱི་སྐུ་གསུང་ཐུགས།། མ་ལུས་སྐྱོབ་པའི་རང་བཞིན་གྱིས།། གཏོར་མའི་ཁྱད་པར་བཤད་དུ་གསོལ།། ཞེས་གསོལ་པ་ལས།། བཅོམ་ལྡན་འདས་དེ་བཞིན་གཤེགས་པ་རྔམ་པའི་རྒྱལ་པོས
347b5 འདི་སྐད་ཅེས་གསུངས་སོ།། སྣ་ཚོགས་སྣོད་ཀྱི་འཇིག་རྟེན་དུ།། བཅུད་ཀྱི་སེམས་ཅན་གཏོར་མར་སྦྱར།། གདོད་ནས་མ་བཅོས་ཆོས་ཀྱི་དབྱིངས།། ཡོངས་ལ་ཁྱབ་པས་ཕྱོགས་བཅུར་སྣང་།། འདོད་པའི་ཡོན་ཏན་ལྔ
347b6 རྣམས་དང་།། རང་བཞིན་གནས་དང་སྤྲུལ་པ་ཡི།། མཆོད་དང་རྒྱལ་རྒྱན་ཡང་ལ་སོགས་པའི་བདགས་ཀྱང་བདག། མ་བཟུང་བཏང་བས་ཁྱབ་པ་སྟེ།། ཆོས་ཅན་སྣ་ཚོགས་མཆོག་ཏུ་བཤད།། ཇི་སྙེད་བསམ་ཡས་མ
iiif viewer powered by OpenSeadragon
