| e-texts navigator |
| Wylie |
347a1 དང་།། དབང་པོ་ཡུལ་དུ་བཅས་པའི་ཆོས།། དག་པ་ལྔ་ནི་ཤེས་བྱ་སྟེ།། འཁོར་བས་སངས་རྒྱས་ལྔ་རུ་ཤེས་པར་བྱ།། ཀུན་གྱིས་བསྒྲུབ་པའི་སངས་རྒྱས་ལྔ།། རྡོ་རྗེ་རིན་ཆེན་པདྨ་དང་།། ལས་དང་དེ
347a2 བཞིན་གཤེགས་རང་བཞིན།། བདག་ཉིད་ལྷུན་གྱིས་གྲུབ་པར་བྱ།། སྤྱི་དང་ཁྱད་པར་བསྒྲུབ་པ་དང་།། ལྷག་པའི་དམ་ཚིག་ལ་སོགས་པ།། གསང་བ་སྤྱི་དང་ཁྱད་པར་དང་།། རང་རང་བསྒྲུབ་པ་ལས་གསུངས་པ།། ཆོ
347a3 ག་བཞིན་དུ་ནན་ཏན་བྱ།། གལ་ཏེ་བཅས་པའི་དམ་ཚིག་ལ།། ཆོ་ག་བཞིན་དུ་མ་བསྒྲུབས་ཤིང་།། དམ་པའི་དོན་ལས་འགལ་བྱེད་པ།། རྒྱ་མཚོ་བསྐམ་དང་རི་བོ་ཟད།། ཇི་སྲིད་ནམ་མཁའ་གནས་བར་དུ།། རྡོ་རྗེ
347a4 དམྱལ་བར་གནས་པ་ཉིད།། དམ་པས་དམ་པར་བྱིན་བརླབས་ནས།། གང་ཞིག་དེ་ལས་འགལ་བྱེད་པ།། སངས་རྒྱས་རྡོ་རྗེ་འཛིན་པ་དང་།། མཁའ་འགྲོ་རྣལ་འབྱོར་ལ་སོགས་པ།། མ་ལུས་ཀུན་ལ་བརྙས་པས
347a5 སྡུག་བསྔལ་རྣམ་པ་མང་པོ་ནི།། མཚོན་ཆའི་འཁོར་ལོ་བཞིན་དུ་འཁོར།། གལ་ཏེ་དམ་པའི་ལས་བྱས་ནས།། བསམས་པ་བཞིན་དུ་མི་འགྲུབ་ཅིང་།། ཉམས་པའི་སྔ་རྟགས་ལྟས་བྱུང་ན།། ཉམས་པ་སྐོང་བའི
347a6 ལས་བྱས་ལ།། དམ་པ་རྣམས་ཀྱིས་བཤད་པ་ལྟར།། ཕྱིན་ཆད་གང་ཡང་ཉམས་མི་བྱ།། སྐུ་གསུང་ཐུགས་ཀྱི་དམ་པ་ནི།། གང་གིས་ཚུལ་བཞིན་གནས་པ་དང་།། ཇི་ལྟར་རིགས་པར་གནས་པ་ནི།། གང་གིས་ཇི་ལྟར
iiif viewer powered by OpenSeadragon
