| e-texts navigator |
| Wylie |
345b1 པ།། དམ་པའི་དོན་དུ་བཤད་དུ་གསོལ།། ཞེས་གསོལ་ཏོ།། དེ་བཞིན་གཤེགས་པ་ཐམས་ཅད་ཀྱི་བདག་ཉིད་ཡེ་ཤེས་རྔམ་པའི་རྒྱལ་པོ་དེས་འདི་སྐད་ཅེས་བཀའ་སྩལ་ཏོ།། སངས་རྒྱས་ཀུན་གྱི་རང་བཞིན་ནི།། འདའ
345b2 བ་མེད་པའི་རང་བཞིན་ཏེ།། རྣལ་འབྱོར་རྣམས་ལ་ཕན་གདགས་ཕྱིར།། དམ་ཚིག་ཁྱད་པར་བཤད་པར་བྱ།། དུས་གསུམ་སངས་རྒྱས་ཐམས་ཅད་ཀྱི།། སྐུ་གསུང་ཐུགས་ཀྱི་རང་བཞིན་ནི།། མི་འདའི་དམ་པ་མཆོག
345b3 གྱུར་བ།། འདས་པར་གྱུར་ན་ཚིག་པར་བཤད།། རང་བཞིན་བཟང་དང་དད་པ་དང་།། མོས་ཤིང་དགེ་ལ་བརྩོན་པ་དང་།། འཁོར་བས་འཇིགས་ཤིང་སྙིང་རྗེ་ལྡན།། དེ་ལ་དམ་ཚིག་སྦྱིན་པར་བྱ།། སངས་རྒྱས་ཀུན་གྱི
345b4 རང་བཞིན་ཆེ།། བྱང་ཆུབ་སེམས་ཉིད་དག་པ་སྟེ།། མ་ལུས་རང་བཞིན་ཀུན་ཏུ་བཟང་།། དོན་དམ་ཀུན་རྫོབ་དབྱེར་མེད་པ།། མགོན་པོས་གནང་བ་ལ་གནས་ཤིང་།། སྐྱོ་བ་མེད་པར་གནས་པར་བྱ།། གཞན་དུ་བསྐལ
345b5 པ་གྲངས་མེད་པར།། དཀའ་བས་སྦྱིན་དང་ཚུལ་ཁྲིམས་དང་།། དཀར་པོའི་དོན་ལ་གང་གནས་ཀྱང་།། ས་བོན་མེད་པའི་འབྲས་བུ་བཞིན།། དེ་ཡང་གཞན་ལས་མ་ཡིན་ཏེ།། བླ་མ་མཆོག་ལས་ཤེས་པར་བྱ།། རྒྱལ་བ
345b6 ཀུན་གྱི་སྐུ་གསུང་ཐུགས།། རྒྱུད་ལ་འཇུག་ཅིང་དབང་བསྐུར་དང་།། གསང་བ་སྒྲོགས་ཤིང་འདྲེན་པ་དང་།། ཟབ་མོའི་དོན་གྱི་ལམ་སྟོན་པ།། རྒྱལ་བ་ཀུན་དང་མཉམ་པའི་ཕྱིར།། ནམ་མཁའི་མཐར་ཐུག་བར་དུ
iiif viewer powered by OpenSeadragon
