| e-texts navigator |
| Wylie |
345a1 བྲན་མོ་གཡོན་ཅན་མ།། མཱཾ་ས་དཔའ་བོ་ཟླ་རྒྱས་དང་།། ཟླ་ཕྲོམ་ཚིམས་བྱེད་གཟི་བརྗིད་མཆོག། ཐར་པ་མེ་ཏོག་དྲི་ཞིམ་པ།། ཡིད་འོང་བདེ་སྐྱིད་ཡོ་བྱད་ཚོགས།། དག་ཅིང་བྱིན་བརླབ་མ་ཉམས
345a2 པའི།། ཡོ་བྱད་ནམ་མཁའི་མཐས་གཏུགས་པ།། བཤམས་ཤིང་སྤྲུལ་པའི་རྒྱ་མཚོའི་ཚོགས།། མཆོད་པའི་ལྷ་མོས་གང་བྱས་ཏེ།། བདེ་མཆོག་རོ་ཡིས་བརྒྱན་བྱས་ཏེ།། དཀྱིལ་འཁོར་ཚོགས་ལ་མཆོད་པར་དབུལ།། རྡོ
345a3 རྗེ་རྐང་པའི་སྟབས་ལྡན་ཞིང་།། ལག་གཉིས་འགྱིང་བཅས་གར་བྱས་ནས།། ཐལ་མོའི་སྙིམ་པ་གྱེན་བཀྲོལ་ནས།། ཚོགས་ཀྱི་མཆོད་པ་དབུལ་བར་བྱ།། གང་གིས་འདི་དག་སྦྱོར་བ་ཡིས།། རྒྱས་པ་སྲས་བཅས་རྡོ་རྗེ
345a4 འཛིན།། རྣལ་འབྱོར་མཁའ་འགྲོ་དང་བཅས་པའི།། དགྱེས་པའི་ཚུལ་གྱིས་བྱིན་བརླབས་ཤིང་།། མཐུ་དང་རྫུ་འཕྲུལ་ཅི་ཡོད་པས།། རང་གི་འདོད་པ་ཇི་ལྟ་བར།། དགྱེས་པར་དངོས་གྲུབ་བསྩལ་བ་དང་།། དབང་དང
345a5 བྱིན་རླབས་ཕུན་སུམ་ཚོགས།། ཀུན་གྱི་བདག་པོ་ཉིད་དུ་འགྱུར།། ཞེས་གསུངས་སོ།། དཔལ་ཧེ་རུ་ཀ་འདུས་པའི་རྒྱུད་ལས། མཆོད་པའི་དེ་ཁོ་ན་ཉིད་སྐལ་པ་བཟང་པོ་ཞེས་བྱ་བའི་ལེའུ་སྟེ་བཅུ་གཉིས
345a6 པའོ།། །། དེ་ནས་ཡང་གསང་བའི་བདག་པོས་བཅོམ་ལྡན་འདས་ལ་འདི་སྐད་ཅེས་གསོལ་ཏོ།། ཨེ་མ་ཧོ་སངས་རྒྱས་ཐམས་ཅད་ཀྱི།། དམ་པ་དྲི་མ་མེད་པའི་ཐུགས།། མི་འདའི་རང་བཞིན་གང་ལགས
iiif viewer powered by OpenSeadragon
