| e-texts navigator |
| Wylie |
344a1 ནས།། ནམ་མཁའ་ཁྱབ་པར་རབ་སྤྲུལ་ཞིང་།། ཡོ་བྱད་རང་ལུས་ཐིམ་པར་མཆོད།། སངས་རྒྱས་ཀུན་གྱི་ར་སྭ་ཡན། འཆི་བ་མེད་པའི་བདུད་རྩི་ལྔ།། མཐར་ཟུག་མེད་པའི་རྒྱ་མཚོར་སྦྲུལ།། རྒྱལ་བ
344a2 རྣམས་ཀྱང་ཚིམས་པར་མཛད།། རྡོ་རྗེ་ཕྱག་རྒྱ་གར་འགྲོལ་ཏེ།། མཐེབ་སྲིན་རྩེ་མོས་བླངས་གཏོར་བས།། རྡུལ་སྙེད་བཞུགས་པའི་རྒྱལ་བ་རྣམས།། དགྱེས་ཤིང་གཟི་བྱིན་ལྡན་པར་འགྱུར། ཨོཾ་ཤྲཱི་ཧེ་རུ་ཀ་མ་ཧཱ་ཀྲོ་དྷི་ཤྭ
344a3 རཱི། ཧ་ཧེ་ཕཊ། རུ་ལུ་རུ་ལུ་ཧཱུཾ། མ་ཧཱ་པཉྩ་ཨ་མྲྀ་ཏ་ར་སཱ་ཡ་ན། ཨ་ལ་ལ་ཧོ།། རྡོ་རྗེ་དམ་ཚིག་མཆོག་གསུམ་པོ།། བདག་གཞན་བྱིན་རླབས་བླངས་བཀོད་ནས།། ནམ་མཁའ་མཐས་གཏུགས་སྐུ་གསུང་ཐུགས།། བྱིན
344a4 རླབས་བརྟན་པ་ཉིད་དུ་འགྱུར།། བཟའ་དང་བཅའ་དང་བཏུང་དང་བགོ། འདོད་པའི་ཡོན་ཏན་ལྔ་ལྡན་པས།། ནམ་མཁའི་སྤྲིན་ལྟར་གཏིབས་སྤུངས་ནས།། དཀྱིལ་འཁོར་ཉིད་ལ་དཀྱིལ་འཁོར་ཐིམ།། མྱོས་བྱེད་དང
344a5 ནི་རུ་དྷ་ར།། ཚེ་དང་ཚིམས་བྱེད་རཀྟ་དང་།། དར་དིར་སྙན་པར་བཅས་པའི་གླུ།། ལྷ་མོ་རྡུལ་སྙེད་མདངས་ལྡན་པས།། མ་ལུས་ཁྱབ་ཅིང་མཉེས་པར་བྱ།། ཞིང་དུ་གྱུར་པ་མ་ལུས་པ།། བྱམས་དང་སྙིང་རྗེས་གཞི་བཟུང
344a6 ནས།། ཐབས་ཆེན་ལྡན་པའི་རྣལ་འབྱོར་པས། ཁམས་གསུམ་མ་ལུས་བསྒྲལ་བར་བྱ།། སྲོག་ཆགས་རླུང་ནི་རང་དྲངས་ཤིང་།། བདེ་བ་ཆེན་པོར་སྨིན་བྱས་ནས།། མ་རུངས་གདུག་པའི་ལྷ་ཆེན་རྣམས།། འགྲོ་བ་ཀུན
iiif viewer powered by OpenSeadragon
