| e-texts navigator |
| Wylie |
343a1 ཅིང་།། མིག་དབྱེ་ལྷ་བསྟན་ཆོ་ག་གདག། ཇི་ལྟར་འཐད་པའི་ཆོ་ག་བྱ།། དེ་ནས་དབང་ཐོབ་བྱ་བའི་ཕྱིར།། རྟ་དང་གླང་པོ་གསེར་དངུལ་དང་།། བུ་དང་ཆུང་མ་བུ་མོ་དང་།། རྒྱལ་སྲིད་རང་ལུས་ལ
343a2 སོགས་པ།། བླ་མ་མཆོད་ཕྱིར་དབུལ་བར་བྱ།། གང་དུ་སྡུག་བསྔལ་མཚོ་བསྒྲལ་ཞིང་།། ཐར་པའི་གྲོང་ཁྱེར་འཐོབ་བྱ་ཞིང་།། དབང་དང་དངོས་གྲུབ་ཐོབ་བྱའི་ཕྱིར།། བླ་མ་ཆེ་ལ་གསོལ་བ་འདེབས། ཁྱོད་ནི་དམ་པའི
343a3 བདག་ཉིད་ལས།། འཇིགས་པ་ཀུན་ལས་བདག་བསྒྲལ་ཞིང་།། ཐར་པའི་ལམ་ལ་དགོད་པ་དང་།། དབང་དང་བྱིན་བརླབས་བདག་འཚལ་བས།། དེ་ཕྱིར་དད་པས་ཁྱོད་བསྟེན་པས།། ཐུགས་རྗེ་ཅན་གྱིས་བྱིན་གྱིས
343a4 རློབས།། གནང་བ་ཐོབ་ནས་གུས་ལྡན་པའི།། དབང་རིམ་བཞི་ཉིད་ནོད་པར་བྱ།། མེ་ཏོག་ཆར་དང་སྒྲ་དང་དྲི།། མཐོང་བ་དག་དང་ཤེས་རབ་འཕེལ།། ཚེ་དང་ལོངས་སྤྱོད་འཕེལ་བ་དང་།། གཟུངས་མ་མཁའ་འགྲོ
343a5 འདུ་བ་དང་།། བྱིན་རླབས་མངོན་དུ་སྣང་བ་དང་།། བྱིན་རླབས་དབང་ཐོབ་ལམ་རྟགས་ཡིན།། ཞེས་གསུངས་སོ།། དཔལ་ཧེ་རུ་ཀ་འདུས་པའི་རྒྱུད་ལས། གཟུགས་བརྙན་གྱི་བྱ་བ་བསྟན་པའི་ལེའུ་སྟེ་བཅུ་གཅིག
343a6 པའོ།། །། དེ་ནས་བཅོམ་ལྡན་འདས་དཔལ་དགྱེས་པ་ཆེན་པོ་རྔམ་པའི་རྒྱལ་པོ་ཡེ་ཤེས་ཧེ་རུ་ཀས། དཀྱིལ་འཁོར་ཐམས་ཅད་མཆོད་པའི་སྤྲིན་འབྱུང་བ་ཞེས་བྱ་བ་འདི་སྒྲ་དང་གསུང་དང་ཐུགས་ལས་མངོན་དུ
iiif viewer powered by OpenSeadragon
