| e-texts navigator |
| Wylie |
341a1 བྱུག། དག་པ་ལྔ་ཡི་དཀྱིལ་འཁོར་ནི།། རིམ་པར་བསྐྱེད་དེ་མཛེས་པར་གནས།། དཀྱིལ་འཁོར་བཀོད་ཅིང་སྤྱན་དྲངས་ལ།། མཆོད་ཅིང་བཟླས་བསྟིམ་བྱིན་ལྡན་པས།། ལེགས་པར་བཟུང་ཞིང་བྱིན
341a2 ལྡན་ནས།། ཕྱི་ནང་བར་ཆོད་བསལ་བའི་ཕྱིར།། བསྲུང་བའི་ཆོ་ག་བརྩམ་པར་བྱ།། བདག་ཉིད་ལྷ་ཡི་རྒྱན་ལྡན་པས།། ནམ་མཁའ་ཁྱབ་པའི་རྩིབས་ལྡན་ལ།། ཉི་སྟེང་སུམ་པས་ལྷ་གནན་ཏོ།། ཐུགས་ལས་ཕྱུང་བའི
341a3 ཁྲོ་བཅུ་ལས།། རྡོ་རྗེ་སྡེར་མོས་བཏབ་བསམས་ན།། བར་ཆད་བགེགས་རིགས་མི་གཡོ་འགྱུར།། ལག་པའི་བྲེ་གའི་ཡིག་འབྲུ་ལས།། ཆོ་ག་བཞིན་དུ་བྱིན་བརླབས་ལས།། རྡོ་རྗེ་མཚོན་ཆ་ལྔ་རིམ་བཞིན།། སྤྲོས་པས
341a4 མ་ལུས་བསྐྲད་པ་དང་།། འདུས་པས་གཞལ་ཡས་གུར་རིམ་གྱུར།། མ་དང་ཨ་ལས་ཧི་ཟླའི་མིག། འབར་བས་ཕྱོགས་བཅུར་བལྟས་བྱས་ནས།། ཚངས་དང་གུ་ལང་གཏོགས་འདོད་བཅས།། བསྲེག་ཅིང་གསོ་དང
341a5 དཀྲུག་བྱས་ཀྱང་བཀྲུ་དང་བཙོས་བྱས་པས།། ཚངས་པའི་འཇིག་རྟེན་བཅས་པ་ཉིད།། བར་ཆད་མེད་ཅིང་ཞི་བར་འགྱུར།། ཕྱོགས་བཞི་མཚམས་བཞི་སྟེང་འོག་བཅུ།། ཀུན་ཀྱང་འབར་བ་ཁྲག་འཐུང་སྟེ།། སྐུ
341a6 གསུང་ཐུགས་ཀྱི་སྤྲུལ་པ་ཡིས།། མ་དག་པ་ཉིད་མཚམས་བཅད་ནས།། རྡོ་རྗེ་ཁྲོ་བོའི་གུར་དུ་གྱུར།། དང་པོ་ས་ཡི་ཆོ་ག་སྟེ།། གཉིས་པ་ལ་ནི་སྟ་གོན་གནས།། གསུམ་པ་འཇུག་པའི་ཆོ་ག་བྱ།། འདི་དག་ཆོ་གར་འདུས
iiif viewer powered by OpenSeadragon
