| e-texts navigator |
| Wylie |
340a1 ཚོགས།། འགུགས་དང་ཆགས་པས་རྨོངས་པ་དང་།། གསོད་དང་སྤོར་དང་ཐལ་བྱེད་པ།། མཛེས་དང་ཆགས་དང་འཐབ་པ་དང་།། སྡང་མིག་གྱེན་དང་མཐུར་ལྟ་ཞིང་།། རྫུ་འཕྲུལ་ཐོགས་མེད་རླུང
340a2 ཤུགས་ཅན།། འཇིགས་པའི་གཟུགས་དང་འཇིགས་པའི་སྒྲ།། སྣ་ཚོགས་དེ་བཞིན་དྲི་དང་རོ།། ནམ་མཁའ་ཁྱབ་པའི་སྟོབས་ཀྱིས་གཏིབས།། རྣལ་འབྱོར་བསྟན་པ་སྲུང་བྱེད་ཅིང་།། གདུག་པ་སྐྲག་སྡང་ཟ་བར
340a3 བྱེད།། འཛིན་དང་བསྙེག་དང་དགུག་པ་དང་།། དབང་དང་གསད་པའི་ཕོ་ཉ་ནི།། སྤྲུལ་ཅིང་ལས་རྣམས་བྱེད་པའི་འཁོར།། འབར་འཁྲུག་རྔམ་པའི་ཆ་བྱད་ཅན།། གོམ་པའི་སྟབས་ཀྱིས་གནས་པར་བྱ།། མ་བཅོས
340a4 ཆོས་ཀྱི་དབྱིངས་ཉིད་ལས།། རོལ་པའི་ཕྱག་རྒྱ་སྣང་བ་ནི།། རྒྱ་མཚོ་ཆུ་ཡི་ཆུ་བུར་ལྟར།། དང་བའི་སྤྲིན་དང་རོལ་མོ་ལྟར།། དུས་གཅིག་གསལ་བར་བསྒོམ་པར་བྱའོ།། རང་གི་རིག་པ་བསམ་ཡས་པས།། གྲངས་དང
340a5 ཕྱག་མཚན་སྐུ་མདོག་དང་།། མ་ངེས་ཕྱག་རྒྱའི་ངོ་བོར་ཤར།། ཇི་ལྟར་སྣང་བའི་སྐུ་ཡི་ཚོགས།། སྒྲ་སྐད་མ་ལུས་གསུང་ཉིད་དེ།། དྲན་རིག་སྣ་ཚོགས་ཐུགས་ཀྱི་ངང་།། མ་བཅོས་དབྱིངས་དང་ཡེ་ཤེས་ལ།། དྲན་པ་རྒྱུན
340a6 གྱི་ཆུ་བོ་ལྟར།། མ་ཡེངས་གསལ་བར་བསྒོམས་བྱས་པས།། རྒྱུ་འབྲས་མ་བཙལ་ལྷུན་གྱིས་རྫོགས།། ཧེ་རུ་ཀ་ཡི་བརྟག་པ་ཉིད།། དབང་པོའི་ཁྱད་པར་ཇི་བཞིན་དུ།། རང་གི་ཐབས་ནི་སྣ་ཚོགས་ཀྱིས།། རང་རང་མོས
iiif viewer powered by OpenSeadragon
