| e-texts navigator |
| Wylie |
339b1 ནག་མོ་ལྕགས་ཀྱུ་འཛིན།། རྡོ་རྗེ་སེར་མོ་ར་མགོ་ཞགས།། རྡོ་རྗེ་དམར་མོ་ལྕགས་སྒྲོག་སྡོམ།། རྡོ་རྗེ་ལྗང་ནག་དྲིལ་འཁྲུལ་དགྱེས།། འབར་མ་རྣམས་ཀྱི་ཕྱག་རྒྱ་ནི།། སྐུ་མདོག་གདུལ་བྱའི་ཚུལ་འདྲ་ཞིང་།། གཡས་པ
339b2 རྡོ་རྗེ་འབར་བ་འཛིན།། གཡོན་པ་བྷནྡ་རཀྟ་འཛིན།། མཁའ་འགྲོ་རྣམས་ཀྱི་ཕྱག་རྒྱ་ནི།། རྡོ་རྗེ་གཤོག་པས་ཟིལ་གནོན་ཅིང་།། བྷནྡ་ཁྲག་འཐུང་ཆགས་པ་ཆེ།། འདོད་ཆགས་ཚུལ་གྱིས་འགྲོ་བ་འདུལ།། མ་བདུན་སྲིད
339b3 བཞིའི་ཕྱག་རྒྱ་ནི།། འཇོ་སྒེག་མཛེས་མར་ཟིལ་གྱིས་བལྟ།། གཡས་པ་འཁྱུད་ཚུལ་དཀར་འཛིན་བསྟན།། གཡོན་པ་དུང་ཁྲག་འཐུང་བྱེད་པའོ།། གིང་ཆེན་བཅོ་བརྒྱད་ཕྱག་རྒྱ་ནི།། སྔོ་སྐྱ་འཇིགས་པའི་ཚུལ་སྟོན
339b4 ཅིང་།། གཡས་པ་གྲི་དང་མཚོན་ཆ་ཐོགས།། གཡོན་པས་འཛིན་ཅིང་གསོད་པར་བྱེད།། ཕོ་ཉ་སུམ་བརྒྱ་དྲུག་ཅུའི་ཚོགས།། དཀར་དང་སྔོ་དང་དམར་ལྗང་གནག། གསེར་དང་བྱུ་རུའི་མདོག་འདྲ་བ།། དྲུག་ཅུ་དྲུག་གིས
339b5 རྫོགས་པ་ནི།། ལྕགས་ཀྱུ་ཞགས་པ་ལྕགས་སྒྲོག་དང་།། ཐོ་བ་གཤོག་པ་གཏུན་ཚོགས་འཛིན།། མ་ལུས་ཁྱབ་པའི་ཚུལ་གྱིས་གནས།། རྡོ་རྗེ་ནག་པོ་ཁྲག་ཤོག་ཅན།། འཕུར་ཞིང་འཛུལ་ཏེ་ཀུན་ཏུ་རྒྱུ།། ཕྱོགས་བཅུར
339b6 ཁྱབ་པའི་ལས་བྱེད་ཅིང་།། ཉི་ཟླའི་ཚུལ་དུ་མཁའ་ལ་འགྲོ།། ཤ་ཁྲག་ཚིལ་བུ་རྐང་ཟ་ཞིང་།། བརྗིད་པའི་ཚུལ་གྱིས་སྡིགས་བྱེད་ཅིང་།། ལག་ན་མཚོན་ཆ་སྣ་ཚོགས་ཐོགས།། བྱེ་བ་ཕྲག་ནི་བདུན་འབུམ
iiif viewer powered by OpenSeadragon
