| e-texts navigator |
| Wylie |
338a1 ཁྱམས།། ཛཿཧཱུཾ་བཾ་ཧོཿ། སྒོ་བཞིར་གནས།། ཡང་སྦྲུལ་གནས་ལ་ངེས་མེད་དེ།། ནག་མོ་ཁྲག་ཤོག་ཅན་གྱི་ཚོགས།། སྟེང་གི་ནམ་མཁར་འཁོད་པ་ཡིན།། རིག་འཛིན་བྱེ་བ་ས་ཡ་དག། ཕྱི་རོལ་འཁོར་ཡུག
338a2 ཆ་ལ་བསམ།། ཕྱི་ནང་ཀུན་ཏུ་འཕྲོ་བྱེད་པའི།། མེ་རིའི་འོད་ནི་གཏིབས་མ་ཐག། དམ་པ་ངེས་པ་སྐྱེ་བའི་ས།། སྐལ་མེད་བསྲེག་ཅིང་འབྲོས་པའི་གནས།། རྡོ་རྗེ་རྣལ་འབྱོར་ཅན་གྱིས་བསྒོམ།། དེ་ནས་དབང་བསྐུར
338a3 བྱིན་བརླབས་ལ།། ཡན་ལག་ལྷ་ནི་གསལ་བྱས་ལ།། སྔགས་ཀྱི་ཡན་ལག་ཚང་བར་བསྒོམ།། རྡོ་རྗེ་བསྡུ་བའི་ཕྱག་རྒྱ་ཡིས།། ནམ་མཁའི་ཁམས་གཏུགས་སངས་རྒྱས་ཀུན།། ཏིལ་འབྲུ་བཞིན་དུ་གང་ཁྱབ་པའི།། རྡོ་རྗེ
338a4 ཁྲོ་བོའི་གཟུགས་སུ་སད།། ཛཿཧཱུཾ་བཾ་ཧོཿས་སྤྱན་དྲངས་ལ།། བཀུག་དང་བསྟིམ་དང་བསྡམ་བྱས་ཏེ།། དབང་དུ་བྱས་ཏེ་བསྟིམ་པར་བྱ།། གཉིས་མེད་མཉེས་པར་ཕྱག་བྱས་ཏེ།། རང་རང་དགྱེས་པའི་གར་སྟབས
338a5 ཀྱིས།། མཉེས་པའི་མཆོད་པ་སྣ་ཚོགས་དབུལ།། ལག་གཉིས་བསྒྱུར་ཅིང་གྱེན་དུ་དགྲོལ།། རང་རང་མཆོད་པའི་ཕྱག་རྒྱ་ཡིས།། དཀྱིལ་འཁོར་འཁོར་ལོ་མཉེས་པར་བྱ།། ཞེས་གསུངས་སོ།། དཔལ་ཧེ་རུ་ཀ་འདུས
338a6 པའི་རྒྱུད་ཆེན་པོ་ལས། འབར་བའི་སྐུའི་དཀྱིལ་འཁོར་མངོན་དུ་ཕྱུང་བའི་ལེའུ་སྟེ་དགུ་པའོ།། །། དེ་ནས་ཡང་གསང་བའི་བདག་པོ་དེས།། བཅོམ་ལྡན་འདས་ལ་འདི་སྐད་ཅེས་གསོལ་ཏོ།། ཨེ་མ་ཧོ།། དུས
iiif viewer powered by OpenSeadragon
