| e-texts navigator |
| Wylie |
334b1 དང་མ་ཡིན་ཆོས་མེད་དེ།། བསྡམ་དང་གློད་པའི་དཀའ་ཐུབ་མེད།། དམན་དང་དམ་པའི་རིགས་མེད་ཅིང་།། གྲོང་པའི་ཆོས་ནི་རྣམ་པར་སྤང་།། སྔགས་དང་ཕྱག་རྒྱ་བཟླས་འཆིང་མེད།། སྦྱིན་བསྲེག་མཆོད་དང
334b2 དཀྱིལ་འཁོར་མེད།། འདོད་པ་བསྟེན་ཅིང་ཆགས་མེད་དེ།། སྐུ་དང་གཞལ་ཡས་ཁ་དོག་མེད།། དེ་ཉིད་དབྱིངས་ལ་མཉམ་སྦྱོར་ཞིང་།། མ་ལུས་དམ་པའི་སྤྱོད་པར་མཛད།། འདི་ནི་སངས་རྒྱས་ཐམས་ཅད་ཀྱི།། སྙིང
334b3 པོ་རོལ་པའི་སྤྱོད་པ་སྟེ།། བླུན་པོ་གང་ཞིག་འདའ་བྱེད་པ།། དེ་ལ་མཆོག་གི་དངོས་གྲུབ་མེད།། གསང་བའི་སྤྱོད་པ་དོར་བ་དང་།། བླ་མ་རྒྱབ་ཀྱི་ཕྱོགས་པ་དང་།། དོན་ལ་ངོ་མཚར་ཉམས་མེད་པས།། ཚིག་ལ་ངོ
334b4 མཚར་ཆེར་བྱེད་ཅིང་།། དམ་ཚིག་གཏན་ནས་སྤོང་བྱེད་པ།། ཇི་སྲིད་ནམ་མཁའ་གནས་བར་དུ།། རྡོ་རྗེ་དམྱལ་བར་གནས་པ་ཉིད།། འདི་ནི་སངས་རྒྱས་ཐམས་ཅད་ཀྱི།། སྤྱོད་པའི་རླབས་ཆེན་རྨད་བྱུང་བ།། རྣལ
334b5 འབྱོར་ཀུན་གྱི་མཛད་པ་སྟེ།། སྤྱོད་པ་འདིར་ནི་བསྟན་པ་ཡིན།། ཞེས་གསུངས་སོ།། དཔལ་ཧེ་རུ་ཀ་འདུས་པའི་རྒྱུད་ཆེན་པོ་ལས། གསང་བའི་སྤྱོད་པ་བསྟན་པའི་ལེའུ་སྟེ་བདུན་པའོ།། །། དེ་ནས་ཡང
334b6 གསང་བའི་བདག་པོ་དེས། བཅོམ་ལྡན་འདས་ལ་འདི་སྐད་ཅེས་གསོལ་ཏོ།། ཨེ་མ་ཧོ།། རྒྱལ་བ་ཀུན་གྱི་གསུང་གི་བདག། རྒྱལ་བ་ཀུན་གྱི་གསུང་གི་འཁོར་ལོ་ཉིད།། རྡོ་རྗེ་སྔགས་ཀྱི་ཚུལ་དུ་སྤྱོད་ནས་ཀྱང་།། རྡོ
iiif viewer powered by OpenSeadragon
