| e-texts navigator |
| Wylie |
334a1 མཁའི་ཁམས་དང་མཉམ།། རིག་པའི་བརྟུལ་ཞུགས་མ་སྤྱད་ན།། རང་གི་སྐལ་བ་དམན་པ་དང་།། བདེ་བ་དམན་ཞིང་རིགས་ཆད་ནས།། དེ་ལ་དམ་པའི་དངོས་གྲུབ་མེད།། རང་ལུས་སྒོ་གསུམ་མཉམ
334a2 སྦྱར་ཞིང་།། འདོད་པའི་ཡོན་ཏན་ལྔ་རྣམས་ལ།། རང་ཉིད་བསྟེན་ཅིང་གཞན་ལ་མཆོད།། དཀའ་ཐུབ་སྨྱུང་བ་མི་བྱ་ཞིང་།། སློང་མོས་འཚོ་བར་བྱ་བ་མིན།། རང་གི་ཡུལ་དང་ལྷན་ཅིག་ཏུ།། ལྷ་ཡི་སྤྱོད་པས་བསྟེན་བྱ
334a3 ཞིང་།། དོགས་པ་མེད་པར་རྟག་ཏུ་སྤྱོད།། སྣ་ཚོགས་རིག་པའི་ཏིང་འཛིན་གྱིས།། ཕྱི་ནང་སྣོད་བཅུད་ནམ་མཁའི་ཁམས།། ལྷ་ཡི་སྐུ་གསུང་ཐུགས་ཉིད་ཀྱིས།། ཏིལ་འབྲུ་བཞིན་དུ་གང་བར་གསལ།། གླུ་དང་གར
334a4 དང་སྤྱོད་པ་ཀུན།། རྒྱལ་བའི་མཛད་པར་མ་གྱུར་མེད།། འདི་ནི་སངས་རྒྱས་ཐམས་ཅད་ཀྱི།། རྡོ་རྗེ་གསུམ་གྱི་སྤྱོད་པ་སྟེ།། བླུན་པོ་གང་ཞིག་འདའ་བྱེད་པ།། དངོས་གྲུབ་རྒྱ་ཆེན་གང་ཡང་མེད།། དཔའ་བོ་སྒྱུ་མའི
334a5 བརྟགས་རྟག་འབྱིན་མེད་ཀྱང་པ་བཞིན།། མ་ལུས་དེ་ལྟར་ཡོངས་གོམས་ན།། འཇིགས་མེད་བདེ་ཆེན་ས་ཐོབ་ནས།། དཔའ་བོ་ཐོད་པའི་དབུ་རྒྱན་དང་།། སྟག་ལྤགས་ལ་སོགས་གོན་ནས་ནི།། རྡོ་རྗེ་ཁ་ཊཾ་ཐོགས་ནས
334a6 ནི།། རེ་དོགས་མེད་པའི་ས་རུ་འགྲོ།། གལ་ཏེ་འཇིགས་པའི་སེམས་བྱུང་ན།། དམ་ཚིག་ཉམས་ཏེ་དམྱལ་བར་སྐྱེ།། འདི་ལ་བྱ་དང་མི་བྱ་མེད།། རེ་དང་དོགས་པ་ཅུང་ཟད་མེད།། གཙང་སྨེ་རྟོག་དང་མི་རྟོག་མེད།། ཡིན
iiif viewer powered by OpenSeadragon
