| e-texts navigator |
| Wylie |
333b1 རྣལ་འབྱོར་གྱིས།། དཀའ་ཐུབ་དཀའ་བ་བྲལ་བཞིན་དུ།། ཐབས་མཁས་འདོད་པ་བསྟེན་བཞིན་དུ།། བདག་དང་གཞན་དོན་སྤྱད་པར་བྱ།། སྙིང་པོ་བྱང་ཆུབ་བར་དུ་ནི།། དམ་རྫས་ཆེན་པོ་ལྔ་སྤྱད་ཅིང་།། འཇིགས་པ
333b2 མེད་པའི་ལོངས་སྤྱོད་བྱ།། ཅིས་ཀྱང་གདུང་བ་མེད་པ་ཡི།། བདེ་བ་ཡིད་འོང་རྟག་ཏུ་བསྟེན།། དམར་ཆེན་པོ་དང་ག་བུར་དང་།། དྲི་ཆེན་མཱཾ་ས་ཆུར་བཅས་པ།། དོགས་པ་མེད་པར་རྟག་བཟའ་ཞིང་།། ཆོས་ཀྱི་འཁོར་ལོ།
333b3 རྟག་ཏུ་བསྐོར།། ཁྱོད་ཀྱིས་སྲོག་ཆགས་གསད་པར་གྱིས།། མ་བྱིན་པར་ཡང་བླང་བར་བྱ།། གཞན་གྱི་བུད་མེད་སྤྱད་པར་གྱིས།། རྟག་ཏུ་རྫུན་དུ་སྨྲ་བར་བྱ།། འདི་ནི་སངས་རྒྱས་ཐམས་ཅད་ཀྱི།། གསང་བའི་སྤྱོད་པ
333b4 བླ་ན་མེད།། བླུན་པོ་གང་ཞིག་སྤོང་བྱེད་པ།། དེ་ལ་མཆོག་གི་དངོས་གྲུབ་མེད།། སེམས་ཉིད་སྦྱངས་ཤིང་དག་བྱའི་ཕྱིར།། མཚན་ལྡན་བུད་མེད་རྟག་ཏུ་བསྟེན།། རང་ལུས་རྒྱུད་ཀྱིས་རྒྱས་བྱས་ལ།། བདེ་བའི་ཐིག་ལེ
333b5 རྟག་ཏུ་གཟུང་།། དུས་ཚོད་ཁྱད་པར་ངེས་བཟུང་ལ།། ཚོགས་ཀྱི་འཁོར་ལོ་སྤྱད་པར་བྱ།། གཏོང་དང་འཛིན་དང་འདྲེན་པ་དག། སྐབས་ཀྱི་ཁྱད་པར་ཤེས་བྱ་ཞིང་།། སྤང་ཞིང་དམ་ཚིག་ཉམས་པ་མིན། གང་གིས་བུད
333b6 མེད་བསྟེན་བྱ་ཞིང་།། འདོད་པའི་ཆོ་ག་རྒྱས་པ་ཡིས།། རང་ཉིད་བརྟན་པར་གནས་པར་བྱ།། དམ་རྫས་བུད་མེད་རྟག་ཏུ་བསྟེན།། ལུས་དང་སེམས་དང་སྣང་བ་དག། རིམ་པར་འཕེལ་བའི་ཚུལ་གྱིས་ནི།། བདེ་བ་ནམ
iiif viewer powered by OpenSeadragon
