| e-texts navigator |
| Wylie |
333a1 ཀློང་།། བདག་དང་གཞན་མེད་རིག་པ་གཅིག་གི་དང་།། ཕྱི་དང་ནང་མེད་ཆོས་དབྱིངས་བརྡལ་བའི་གནས།། ཆེ་ཆུང་རྒྱུ་འབྲས་མེད་པས་འབྲས་བུའི་ལམ།། མ་བཅོས་དོན་དམ་རྟོགས་པའི་དོན་གསལ
333a2 ན།། མཚན་མའི་ཞེན་པས་རྩོལ་བ་བྱ་མི་དགོས།། ཞེས་གསུངས་སོ།། དཔལ་ཧེ་རུ་ཀ་འདུས་པའི་རྒྱུད་ཆེན་པོ་ལས། བལྟ་བ་དེ་ཁོ་ན་ཉིད་བསྟན་པའི་ལེའུ་སྟེ་དྲུག་པའོ།། །། དེ་ནས་ཡང་གསང་བའི་བདག་པོ
333a3 དེས། བཅོམ་ལྡན་འདས་ལ་འདི་སྐད་ཅེས་གསོལ་ཏོ།། ཨེ་མ་ཧོ་དཔལ་ཆེན་ཆེ་མཆོག་ཧེ་རུ་ཀ། ཉི་མ་སྟོང་ལྟར་འབར་བའི་གཟི་བརྗིད་ཅན།། སྐུ་གསུང་ཐུགས་ལ་མོས་པས་གསོལ་འདེབས་ན།། སྤྱོད་པའི་ཁྱད་པར
333a4 བདག་ལ་བསྟན་དུ་གསོལ།། ཞེས་གསོལ་པས། དེ་བཞིན་གཤེགས་པ་ཐམས་ཅད་ཀྱི་རང་བཞིན། ཡེ་ཤེས་རྔམ་པའི་རྒྱལ་པོ་དེས་འདི་སྐད་ཅེས་བཀའ་སྩལ་ཏོ།། ཨེ་མ་འདུས་པ་ཆེན་པོའི་ཚོགས།། སྤྱོད་པའི་ཁྱད
333a5 པར་ཇི་སྙེད་པ།། རང་རང་ཐབས་ཚུལ་མཐའ་ཡས་པས།། ནམ་མཁའི་ཁམས་ནི་མཐའ་ཡས་པས།། རྣམ་པར་འཕྲུལ་པའི་ཚུལ་གྱིས་བྱེད།། འདུལ་བའི་སྐྱེ་བོ་ཇི་སྙེད་པ།། རང་རང་ཐབས་ནི་སྣ་ཚོགས་ཀྱིས།། སོ་སོའི
333a6 གར་ཐབས་སྤྲིན་ཕུང་གིས།། མ་ངེས་འདུལ་བའི་དོན་དུ་སྣང་། ཁྱོད་ཀྱིས་སྲོག་ཆགས་གསད་མི་བྱ།། མ་བྱིན་པར་ཡང་མི་བླང་ངོ་།། གཞན་གྱི་བུད་མེད་སྤྱད་མི་བྱ།། རྫུན་གྱི་ཚིག་ནི་བརྗོད་པ་མིན།། རང་གི་ལྷ་ཡི
iiif viewer powered by OpenSeadragon
