| e-texts navigator |
| Wylie |
332b1 པར་རྟོགས་ཐབས་ཀྱིས།། སྣང་སྲིད་མ་ལུས་བདེ་བ་ཆེན་པོར་མཐོང་།། ཁྲུས་དང་གཙང་སྦྲ་དཀའ་ཐུབ་མི་དགོས་ཏེ།། ཐབས་དང་ཤེས་རབ་སྙིང་རྗེས་གང་བསྟན་པས།། འདོད་ཆགས་བདེ་བ་མཆོག་ཏུ་ངེས་པར
332b2 མཐོང་།། མཐོང་དང་མ་མཐོང་རྩོད་པ་ཆད་དུས་ན།། དམ་པའི་དགོངས་པ་ལྷུན་གྱིས་གྲུབ་ངེས་པའོ།། གང་གིས་གང་ལ་ངེས་པའི་དོན་གསལ་ནས།། དམ་པ་ཡིན་པའི་རྟགས་ནི་གསལ་བར་འགྱུར།། ཞེན་པ་ཆུང
332b3 དང་ཐ་མལ་ལས་རྒྱུན་ཆད།། གཟུངས་མ་རིགས་ཅན་འདུ་ཞིང་བྱིན་རླབས་ཆེ།། ལས་དང་བསམ་པ་འགྲུབ་ཅིང་བླང་དོར་མེད།། ཏིང་འཛིན་ཆུ་བོའི་རྒྱུན་གྱི་ཀླུང་དུ་འཇུག། བསྔགས་པ་ཐོབ་ཅིང་རྩོད་པའི
332b4 འཇིགས་དང་བྲལ།། འདུ་ཤེས་མཚན་མ་འགག་ཅིང་བྱ་བ་ཉུང་།། རང་བཞིན་དལ་ཞིང་འདུ་བྱེད་མཚན་མ་ཕྲ། གང་ཞིག་དམ་པའི་དོན་དེ་རྟོགས་ཕྱིན་ཆད།། རྒྱལ་བའི་སྲས་པོ་རིག་པ་འཛིན་པ་དེ།། འཁོར
332b5 བའི་འཇིགས་བྲལ་མྱ་ངན་འདས་སྨོན་མེད།། གདོད་ནས་དག་པ་ནམ་མཁའི་རང་བཞིན་ལ།། མཐོང་དང་མ་མཐོང་གློ་བུར་རྟོག་པའི་ཆོས།། དམ་པའི་དོན་ལ་མཐོང་ཞིང་གསལ་རྟོགས་ན།། མཐོང་དང་མ་མཐོང་རྩོད
332b6 པ་རྣམ་པར་འཆད།། བླུན་པོ་མཁའ་ལ་རྩོད་པ་ཇི་བཞིན་དུ།། བྱིས་པ་མཐའ་ཡི་ཚིག་ལ་རྩོད་པ་བྱེད།། རང་སེམས་གཉིས་མེད་རྩོད་པའི་ཡུལ་ལས་འདས།། མཐའ་དང་དབུས་མེད་ནམ་མཁའ་སྟོང་པའི
iiif viewer powered by OpenSeadragon
