| e-texts navigator |
| Wylie |
332a1 གཅིག་རྟོགས།། གཞི་རྩ་ཀུན་འདས་ནམ་མཁའི་རང་བཞིན་ལ།། བླུན་པོས་བལྟས་པས་རང་ཉིད་ཚེ་ཆད་ལྟར།། སེམས་ཉིད་མཐའ་དབུས་འདས་པའི་རང་བཞིན་ལ།། མཚན་མས་བལྟས་ཀྱང་ཆོས
332a2 དབྱིངས་དོན་མི་མཐོང་།། མ་སྐྱེས་སྟོང་ཆེན་ནམ་མཁའི་རང་བཞིན་ལ།། རྣམ་རྟོག་གྲངས་ལས་འདས་པའི་ཕྱག་རྒྱར་ཤར།། མཁའ་ལ་གཟའ་སྐར་ཆུ་ཡི་ཆུ་བུར་ལྟར།། ཇི་ལྟར་སྣང་ཡང་སྐྱེ་བ་མེད་པར་གཅིག། སྐུ
332a3 གསུང་ཐུགས་ཀྱི་མཚན་མ་ཇི་སྙེད་པ།། སེམས་ཅན་མོས་པའི་ཁྱད་པར་སྣང་བ་ཡིན།། ནུས་མཐུ་བྱིན་བརླབས་སོ་སོར་སྣང་བ་ཡང་།། མ་སྐྱེས་སེམས་ཀྱི་ངང་ལས་གཞན་མ་མཐོང་།། དོན་དང་རྟགས་ཀྱི་ལྷ་ཞེས
332a4 བརྟགས་པ་ཡང་།། ཐིག་ལེ་ཆེན་པོའི་ངང་ལ་གཉིས་མེད་པས།། སྐུ་མདོག་ཕྱག་མཚན་མཛེས་པར་བརྒྱན་པ་དང་།། མ་ལུས་སྣང་བའི་རིག་པ་སྟོང་པར་གཅིག། སེམས་ཉིད་དངོས་པོ་མཚན་མར་གང་ཤར་ཀྱང་།། སྐུ
332a5 མ་སྨིག་རྒྱུ་ཆུ་ཟླ་བྲག་ཆ་ལྟར།། སེམས་ཉིད་སྟོང་པའི་གཟུགས་བརྙན་རང་ཤར་བས།། སྒྱུ་མ་རྣམ་བཞི་མ་བཅོས་གཅིག་ཏུ་འདུས།། རྟག་པ་རང་རྒྱུད་ཟད་པའི་སེམས་ཉིད་ནི།། ཇི་ལྟར་སྣང་ཡང་དེ་ལྟར་མི་གནས
332a6 ཏེ།། ཕྱོགས་འདས་སྤྱོད་མེད་མཁའ་ལྟར་དག་པ་ལ།། ཡེ་ཤེས་སྒྱུ་མ་དགག་བསྒྲུབ་ཀུན་དང་བྲལ།། སྒྱུ་མ་བདེ་མཆོག་རང་བཞིན་ཐིག་ལེ་ཆེར།། བརྟག་པ་ཟད་པའི་བདེ་བ་རང་འབྱུང་བས།། བདེ་བས་བདེ་བ་མཚོན
iiif viewer powered by OpenSeadragon
