| e-texts navigator |
| Wylie |
331b1 ཡང་།། དམུས་ལོང་ཁ་དོག་བསྟན་པ་བཞིན།། མ་ནོར་ཐབས་དང་ལྡན་པ་ཡིས།། སྐལ་ལྡན་དག་པའི་སྐྱེས་བུ་ལ།། མན་ངག་ལེགས་པར་བསྟན་པ་ཡིས།། གསང་བ་འཛིན་པའི་རྒྱལ་པོར་འགྱུར།། ཞེས་གསུངས
331b2 སོ།། དཔལ་ཧེ་རུ་ཀ་འདུས་པའི་རྒྱུ་ཆེན་པོ་ལས། ཧེ་རུ་ཀའི་རང་བཞིན་བསྟན་པའི་ལེའུ་སྟེ་ལྔ་པའོ།། །། དེ་ནས་གསང་བའི་བདག་པོས། བཅོམ་ལྡན་འདས་ལ་འདི་སྐད་ཅེས་གསོལ་ཏོ།། ཨེ་མ་ཧོ་རྒྱལ་བ་རྒྱ
331b3 མཚོའི་སྐུ་གསུང་ཐུགས།། ཐམས་ཅད་མ་སྐྱེས་དང་ལ་གཉིས་མེད་ཀྱང་།། དམན་པས་དམ་པའི་བལྟ་བ་རྟོགས་དཀའ་བས།། བདག་ཅག་རྣམས་ལ་རྒྱ་ཆེན་བཤད་དུ་གསོལ།། ཞེས་གསོལ་པ་ལས། བཅོམ་ལྡན
331b4 འདས་ཡེ་ཤེས་ཐམས་ཅད་ཀྱི་རྒྱལ་པོ་དེས་འདི་སྐད་ཅེས་གསུངས་སོ།། ཆོས་རྣམས་མ་ལུས་སེམས་ཉིད་རང་བཞིན་ཏེ།། དེ་ཉིད་བརྟག་ཅིང་དཔྱད་པ་ལས་འདས་པས།། ཀུན་གྱི་ཡུལ་ལས་འདས་ཤིང་བརྗོད་དཀའ
331b5 བས།། གང་དུ་ཡང་མ་མཐོང་མཚོན་པའི་ཡུལ་ལས་འདས།། རྒྱུ་དང་འབྲས་བུའི་ཆོས་རྣམས་ཇི་སྙེད་པ།། གཞི་རྩ་མེད་པའི་ངང་དུ་རང་བཞིན་འདུས།། དབྱིངས་དང་ཡེ་ཤེས་ཐབས་དང་ཤེས་རབ་ཀྱང་།། དེ་ཉིད་ཆེན
331b6 པོའི་ངང་དུ་དབྱེར་མེད་པས།། མ་བཅོས་ཆོས་དབྱིངས་བརྡལ་བ་ཆེན་པོ་ལ།། སྒོ་སྐུར་ཡིན་མིན་དཔྱོད་དང་རྟོག་པ་མེད།། དམ་པའི་རང་བཞིན་ཐབས་ཀྱིས་གང་རྟོགས་པ།། ཆོས་རྣམས་ཀུན་གྱི་རང་བཞིན་དུས
iiif viewer powered by OpenSeadragon
