| e-texts navigator |
| Wylie |
330a1 འཇུག་པ་ཉིད།། སྤོར་བྱེད་བདེ་བར་འབར་མར་འདོད།། གང་དུ་རྒྱུ་བ་བྲན་མོ་སྟེ།། རྒྱུ་བའི་འཁོར་ལོར་མཁའ་འགྲོ་མ།། རྩ་མདུད་ཀུན་ཁྱབ་ཕོ་ཉ་སྟེ།། ཧཱུཾ་སྤྲོས་སྦྱོར་སྒྲོལ་ཐབས་མཁས་ཉིད།། གསང
330a2 བའི་རླུང་དུའང་ཤེས་པར་བྱ།། ཕྱི་དང་ནང་ཆགས་མཁའ་འགྲོ་མ།། སྐྲ་རྩེ་བ་སྤུ་འབུམ་གྱི་ཆ།། ཐབས་དང་ཐིག་ལེར་གང་འཕྲོས་པ།། རྟོག་པ་གང་སྐྱེས་དེར་སྡུད་པ།། ཡང་སྦྲུལ་ཕྱག་རྒྱའི་ཚོགས་སུ་བརྗོད།། ཀུན་གྱི
330a3 རང་བཞིན་འདིར་འདུས་ཤིང་།། རང་བཞིན་གནས་པས་རང་བཞིན་ཡིན།། ཞེས་གསུངས་སོ།། དཔལ་ཧེ་རུ་ཀ་འདུས་པའི་རྒྱུད་ལས། རང་བཞིན་གྱི་དཀྱིལ་འཁོར་བསྟན་པའི་ལེའུ་སྟེ་བཞི་པའོ།། །། དེ་ནས
330a4 ཡང་གསང་བའི་བདག་པོས། བཅོམ་ལྡན་འདས་ལ་འདི་སྐད་ཅེས་གསོལ་ཏོ།། ཕྱོགས་བཅུ་དུས་གསུམ་དེ་བཞིན་གཤེགས་པ་ཡི།། སྐུ་གསུང་ཐུགས་ཀྱི་རང་བཞིན་ཧེ་རུ་ཀ། འབར་བའི་རྒྱལ་པོ་མཛེས་པའི་སྐུ་མཆོག
330a5 གིས།། ཉིད་ཀྱི་རང་བཞིན་བདག་ལ་བསྟན་དུ་གསོལ།། ཞེས་གསོལ་བ་ལས། བཅོམ་ལྡན་འདས་ཡེ་ཤེས་རྔམ་པའི་རྒྱལ་པོ་དེས་འདི་སྐད་ཅེས་བཀའ་སྩལ་ཏོ།། ཆོས་རྣམས་ཀུན་གྱི་རང་བཞིན་ནི།། མ་བཅོས་བདེ་བ
330a6 ཆེན་པོའི་དབྱིངས།། ཐིག་ལེ་ཆེན་པོའི་རང་བཞིན་ལ།། ཆོས་རྣམས་མ་ལུས་རྫོགས་པར་ལྡན།། ཧེ་ནི་ཁྱབ་གད་ལ་སྟོང་པའི་ངང་།། རུ་ནི་གཉིས་མེད་བདེ་བ་ཆེ།། ཀ་ནི་ཅིར་ཡང་རོལ་པ་ཉིད།། མ་སྐྱེས་པ་དང་སྐྱེ་བ
iiif viewer powered by OpenSeadragon
