| e-texts navigator |
| Wylie |
329b1 རགས་འབྱུང་བ་བཞི།། སྦས་པའི་དོན་དུ་ཤེས་པར་བྱ།། འདི་ནི་དུར་ཁྲོད་དཀྱིལ་འཁོར་ཏེ།། ལུས་ཅན་ཀུན་ལ་གནས་པ་ཡིན།། ལུས་ཅན་ཙིཏྟའི་ཕོ་བྲང་ནི།། རྒྱལ་བ་ཀུན་གྱི་རང་བཞིན་ཏེ།། རྟེན་ཅན་ལྔ་ནི་ཕུང་པོ
329b2 སྟེ།། རགས་པའི་ཕྲ་བ་སྦས་པར་བརྗོད།། དྭངས་མ་ལྔ་འདུས་ཡུམ་གྱི་གཙོ།། སྙིགས་མ་ལྔ་ནི་གསང་བའི་ཡུམ།། ཐིག་ལེ་གསང་བའི་བུ་མོ་སྟེ།། རྟེན་ཅན་ཕྲ་མེན་ཉིད་དུ་བརྗོད།། གསང་བའི་སྒོ་བཞི་གུས་པ
329b3 སྟེ།། སྦས་པའི་ཐབས་ཅན་སྤོར་བྱེད་མ།། རྒྱུ་བའི་ལམ་སྲང་ལས་བྱེད་མ།། བུ་ག་བདུན་དང་ཐིག་ལེ་བཞི།། སྦས་པའི་ཚུལ་དུ་རྫོགས་པར་གནས།། རྒྱུ་བའི་གཡས་གཡོན་རྟེན་ཅན་རྟེན།། རྩ་བཞི་ལ་བརྟེན་སྒྲོལ
329b4 མར་ཡང་། བར་བཤད།། བདེ་བའི་འཁོར་ལོ་མཁའ་ལ་འགྲོ།། སུམ་ཅུ་རྩ་གཉིས་མཚན་དང་ལྡན།། ལུས་བཅུད་རྩ་ཡི་མདུད་པ་ནི།། སུམ་བརྒྱ་དྲུག་ཅུ་ཁྱབ་གནས་ཏེ། ཁྱབ་འཛིན་གུགས་པས་ལས་བྱེད་ཅིང་།། སྐྲ
329b5 རྩེ་ཐིག་ལེས་ཁྱབ་བྱེད་ཅིང་།། བ་སྤུའི་བུ་ག་ཐིག་ལེར་ཆགས།། ཡང་སྦྲུལ་འཕྲོ་ཞིང་ཉིད་ལ་སྡུད།། ཐབས་དང་ཤེས་རབ་རང་བཞིན་ལས།། ལྔ་ཕུང་ཆགས་ལྡང་ལྔར་སྣང་བ།། རིག་པའི་རྒྱལ་པོ་ལྔ
329b6 ཡི་གཟུགས།། གསང་བའི་འབྱུང་བ་དྭངས་སྙིགས་ལས།། ཡུམ་གྱི་རང་བཞིན་ཤེས་པར་བྱ།། ཕུང་པོའི་སྙིགས་མ་ཧེ་རུ་ཀ། བདེ་བའི་རྣམ་ཤེས་ཁྲོ་མོ་སྟེ།། ཡུལ་ཉིད་བདེར་ཆགས་ཕྲ་མེན་ཉིད།། སྦྱོར་བའི་ཕྱག་རྒྱ
iiif viewer powered by OpenSeadragon
