| e-texts navigator |
| Wylie |
329a1 པ་ལ་སོགས་པའི།། རྟོག་གེའི་སྤྱོད་ཡུལ་ནམས་ཀྱང་མིན།། གདོད་ནས་དབྱེར་མེད་སྙིང་པོ་ལ།། རྟོག་གེའི་རིག་པས་གང་བལྟས་པ།། གསལ་བའི་འོད་ཟེར་སྙིང་པོ་ལ།། དམུས་ལོང་བརྒྱ་ཡིས་བལྟས
329a2 པ་ལྟར།། སྙིང་པོའི་དོན་ནི་མི་མཐོང་སྟེ།། རང་ཉིད་ཚི་ཆད་བརླག་པར་འགྱུར།། ཞེས་གསུངས་སོ།། དཔལ་ཧེ་རུ་ཀ་འདུས་པའི་རྒྱུད་ལས་ཆོ་འཕྲུལ་ཆེན་པོ་བསྟན་པའི་ལེའུ་སྟེ་གསུམ་པའོ།། །། དེ་ནས་གསང
329a3 བ་མཆོག་གི་བདག་པོས། བཅོམ་ལྡན་འདས་ལ་འདི་སྐད་ཅེས་གསོལ་ཏོ། ཨེ་མ་ཧོ།། འབར་བའི་རྒྱལ་པོ་བྱིན་རླབས་འདབ།། མ་ལུས་སྣང་སྲིད་དཀྱིལ་འཁོར་གནས་པ་ལ།། སྒྲིབ་པ་གསུམ་གྱིས་འབར་བའི་ཞལ་མ
329a4 མཐོང་།། དེ་ཕྱིར་འབར་བའི་དཀྱིལ་འཁོར་བཤད་དུ་གསོལ།། ཞེས་གསོལ་པས། དེ་ནས་བཅོམ་ལྡན་འདས་དགྱེས་པ་ཆེན་པོ་ཧེ་རུ་ཀས།། བདག་ཉིད་དཀྱིལ་འཁོར་འདི་སྐད་དོ།། བྷྲཱུཾ་སྟོང་གསུམ་མ་ལུས་གཞལ
329a5 ཡས་ཁང་།། འབྱུང་བ་ལྔ་པོ་རིམ་བཞིན་བརྩེགས།། དུར་ཁྲོད་རྒྱན་ཆས་ལྷུན་གྱིས་གྲུབ།། དབང་པོ་ལྔ་ཡི་ཁོང་གསེང་ཅན།། ཉི་ཟླ་པདྨ་རང་བཞིན་གནས།། ཕུང་པོ་ལྔ་དང་འབྱུང་བ་ལྔ།། རྣམ་ཤེས་ཡུལ་དང་ཡན་ལག
329a6 དང་།། ཉོན་མོངས་ཡིད་ཆོས་དེ་བཞིན་ཏེ།། རྒྱུ་བའི་ལམ་དང་མཚན་དག་དང་།། ནང་གྲོལ་འདྲེན་ཡང་། འབྲེལ་རྟེན་རྩིབ་མ་དང་།། ཤ་དང་སྐྲ་དང་བ་སྤུ་དང་།། རང་བྱུང་འབར་བའི་དཀྱིལ་འཁོར་ཏེ།། ལྔ་ཕུང་ཕྲ
iiif viewer powered by OpenSeadragon
