| e-texts navigator |
| Wylie |
328b1 འགྱུར།། ག་བུར་ཤེལ་དང་ཙནྡ་དཀར།། བཟླས་ཤིང་རང་ལ་གང་འཆང་བ།། རིམས་དང་གནོད་པས་མི་ཚུགས་ཤིང་།། ལུས་ཡང་ནད་མེད་བྱེད་པར་འགྱུར།། ཏིལ་དང་ཙནྡན་དཀར་པོ་དང་།། ཞོ་དང་མར་དང་འོ་མ
328b2 ལ།། བཟླས་ཤིང་སྦྱིན་བསྲེག་བྱས་ན་ནི།། འདུས་དང་ནད་བགེགས་ཞི་བར་འགྱུར།། གང་དུ་ལས་རྣམས་ཀུན་བྱེད་པ།། དེ་ཉིད་རྟེན་འབྲེལ་ལས་བྱུང་སྟེ།། གང་ལ་གང་བརྟེན་འབྲས་བྱུང་བ།། འདི་ནི་རྟེན་ཅིང་འབྲེལ
328b3 འབྱུང་བའི།། ཆོས་ཉིད་རྫས་དང་ཆོ་ག་དང་།། ཐབས་ཀྱིས་རྟེན་ཅིང་འབྲེལ་བ་ནི།། གང་དག་ཅི་དགར་གྲུབ་པ་ནི།། རྒྱལ་བས་ཀྱང་ནི་བསྔགས་པ་སྟེ།། དག་དང་མ་དག་ཁྱད་པར་དང་།། ལོག་དང་མ་ལོག་ཁྱད་པར
328b4 ལས།། བདེ་དང་སྡུག་བསྔལ་སྣ་ཚོགས་འཕྲུལ།། གསང་སྔགས་ཐབས་ཀྱི་བྱིན་རླབས་ཀྱིས།། མེ་ལས་ཆོ་འཕུལ་སྣང་བ་སྟེ།། ངོ་བོ་བྱིན་རླབས་ཁྱད་པར་ཅན།། སྣ་ཚོགས་ངོ་བོ་ཉིད་དུ་སྣང་།། དེ་བཞིན་ཆོས
328b5 རྣམས་ཐམས་ཅད་ཀྱང་།། ངོ་བོ་ཉིད་ཀྱི་ཁྱད་པར་ཅན།། གང་གི་བྱིན་རླབས་སྣ་ཚོགས་པ།། མཐུན་པ་ཉིད་དུ་དེ་ལྟར་སྣང་།། ཆོས་ཀུན་ངོ་བོ་ཉིད་སྣང་བ།། ཕྱོགས་དང་བྲལ་བའི་བྱང་ཆུབ་སེམས།། གང་དུ་སྣང་ཞིང
328b6 སྙིང་པོ་མེད།། མ་ལུས་མཁའ་ལྟར་ཁྱབ་པའི་སེམས།། རྟག་ཏུ་རང་གི་ངོ་བོས་སྟོང་།། མཐའ་དབུས་གཞི་རྩ་ལས་འདས་པ།། ཐབས་ཆེན་གསང་སྔགས་དང་བྲལ་བའི།། ཆེ་བའི་ཆེ་བ་ཟབ་མོ་འདི།། ལུང་དང་རིགས
iiif viewer powered by OpenSeadragon
