| e-texts navigator |
| Wylie |
327b1 བརྒྱད་ལ།། རྩ་བའི་དཀྱིལ་འཁོར་རྫོགས་པས་ན།། ཡན་ལག་མ་ལུས་རང་རྫོགས་པས།། དངོས་གྲུབ་མ་ལུས་རྫོགས་ཏེ་གནས།། གང་དུ་བསྙེན་པ་གསུམ་རྫོགས་ནས།། རབ་འབྲིང་ཐ་མའི་རྟགས་ཐོབ་ན།། བརྒྱུད
327b2 པའི་ཡུལ་དང་བྲལ་བས་ན།། ཚེ་འདིར་སངས་རྒྱས་ཉིད་ཐོབ་ན།། དངོས་གྲུབ་གཞན་ལྟ་སྨོས་ཅི་དགོས།། སྒྲུབ་པ་པོ་དང་གཟུངས་མ་དང་།། རྫས་དང་གྲོགས་དག་བཞི་པ་སྟེ།། དག་པའི་རྒྱུད་ལ་སྣང་བ་ནི།། མེ་ལོང
327b3 བཞིན་ལ་སྣང་བ་ཡིན།། བསྙེན་པའི་དཀྱིལ་འཁོར་གསལ་བསྒོམས་ཤིང་།། འོད་གསལ་བྱིན་རླབས་གནས་ཐོབ་ནས།། སྦྱོར་བའམ་ཐིག་ལེར་ཐོབ་པས་བཟླས།། ཚེ་འདིར་སངས་རྒྱས་ཉིད་ཐོབ་འགྱུར།། དངོས་གྲུབ
327b4 གཞན་ལྟ་སྨོས་ཅི་དགོས།། ཚེ་དང་ལྕོང་ཞི་དམར་སེར་བ།། བཀྲ་ཤིས་དག་པའི་ཞལ་ཟས་ལ།། རྟགས་ཐོབ་བར་དུ་བཟླས་བསྐྱེད་ན།། མི་འཆི་ཚེ་ཡི་དངོས་གྲུབ་འཐོབ།། དྲག་པོའི་སྦྱོར་བ་གསལ་བ་ཡིས།། བདུན
327b5 འབུམ་སྔོན་དུ་སོང་བ་ཡིས།། གུ་གུལ་སྦྱར་མ་བསྲེག་བྱ་ཞིང་།། སྟོང་རྩ་བརྒྱད་དུ་བཟླས་བྱས་ན།། གྲོང་དང་ཡུལ་ཕྱོགས་ཐམས་ཅད་དུ།། བགེགས་ནི་མ་ལུས་འཕྲོས་པར་འགྱུར།། དཀྱིལ་འཁོར་སྙིང་པོ་ལྡན་བཀོད
327b6 ནས།། མུ་ཁྱུད་རྡོ་རྗེ་ར་བ་ལ།། ལས་སྔགས་བཀོད་དེ་བྱིན་བརླབས་ནས།། བདུན་འབུམ་གྲངས་ཚད་ག་བུར་བཅུག། གྲོང་དང་སྒོ་དང་ཞིང་སྲང་དང་།། རི་རྩེ་ལ་སོགས་གར་བཞག་པ།། སེར་བ་དང་ནི་ནད་དང
iiif viewer powered by OpenSeadragon
