| e-texts navigator |
| Wylie |
327a1 ལ་མཉམ།། འབྱུང་ལ་འབྱུང་བ་འདོད་ལ་འདོད།། ལེ་ལོ་སེར་སྣ་དེ་བཞིན་ཏེ།། ཟབས་མཁས་འདུལ་བ་སྣ་ཚོགས་པ།། ཇི་ལྟར་འཚམས་པར་རྣམ་པར་གནས།། ཞེས་གསུངས་སོ།། དཔལ་ཧེ་རུ
327a2 ཀ་འདུས་པའི་ཏནྟྲ་ལས་གླེང་གཞི་དང་། རྒྱུད་ཀྱི་སྙིང་པོ་འབྱུང་བའི་ལེའུ་སྟེ་གཉིས་པའོ།། །། དེ་ནས་གསང་བའི་བདག་པོ་ཡིས།། མ་ལུས་དྲག་པོས་འདུལ་བའི་ཕྱིར།། ཐབས་མཁས་རོལ་པའི་བརྡའ་ཡིས
327a3 ནི།། ཀུན་མཁྱེན་ཁྱོད་ལ་གསོལ་བ་འདེབས།། ཀུན་མཁྱེན་རྒྱལ་པོས་མཉེས་གཟིགས་ནས།། འབར་ཞིང་རྔམ་པའི་མདངས་ཀྱིས་ནི།། འཇིག་རྟེ་ཁམས་ཀུན་སྒྲས་བཀང་ནས།། བསྐལ་པའི་མེ་ལྟར་དྲག་ཅིང
327a4 འབར།། ཕྱི་ནང་བགེགས་རྣམས་ཐམས་ཅད་འབྱེར།། ཨོཾ་བ་ཧུ་བེ་དྷ། རོ་ཧུ་ཏི། པཉྩ་ཏི། ཨ་ཤ་ཥ། ནི་ཤེ་ཥ་བ་ད་བི་ན་ཡ། བིདྱ་ག་ཏ། ཙ་ལེ་པྲ་ཙ་ལེ། གུརྦ་གུརྦ། བི་གུརྦ་སརྦ་བཛྲ་ཤི་བ་ལེ། ཙ་ལེ་ཙ་ལེ། ཨོཾ་རུ་ལུ་རུ
327a5 ཧཱུཾ་བྷྱོ་ཧཱུཾ།། འབར་བའི་དཀྱིལ་འཁོར་སྣ་ཚོགས་འཕྲོས།། ཆོ་འཕྲུལ་རྣམ་པ་སྣ་ཚོགས་ཀྱིས།། ཕྱི་ནང་སྣོད་བཅུད་བཅས་པ་གང་།། གྲངས་ལས་འདས་པའི་ལྷ་རྣམས་ནི།། རིག་པའི་དཀྱིལ་འཁོར་མཐའ་དབུས
327a6 མེད།། ཕྱོགས་བཅུ་དུས་བཞི་ཁྱབ་པར་སྣང་།། དངོས་གྲུབ་ཀུན་གྱི་རྩ་བ་ནི།། བསྙེན་པ་དང་ནི་ལས་སྔགས་ཏེ།། འདི་དག་ཡིད་བཞིན་ནོར་བུ་ལྟར།། མ་ལུས་ད་ལྟར་འགྲུབ་པར་འགྱུར།། བསྙེན་པའི་ཡི་གེ་འབྲུ
iiif viewer powered by OpenSeadragon
