| e-texts navigator |
| Wylie |
326a1 དོན།། རང་བཞིན་ཟབས་དང་འབྲས་བུ་གང་།། ཧེ་ཞེས་བྱ་བ་གང་ཅི་ཞིག། རུ་ཞེས་བྱ་བ་གང་གི་དོན།། ཀ་ཞེས་བསྟན་པའི་དོན་ཅི་ཞིག། བལྟ་བའི་དོན་ནི་ཇི་ལྟ་བུ།། སྤྱོད་པའི་ཁྱད་པར་གང་དག
326a2 ལགས།། རྩ་བའི་དཀྱིལ་འཁོར་གང་དག་ལགས།། ཏིང་ངེ་འཛིན་ནི་ཇི་ལྟ་བུ།། དག་པ་གསུམ་ཞེས་ཇི་ལྟ་བུ།། དབང་གི་ཁྱད་པར་ཇི་ལྟར་བསྐུར།། སྤྱོད་དང་ཁྱད་པར་དམ་ཚིག་གང་།། ཐུན་མོང་ཐུན་མོང་མ་ཡིན།
326a3 པའི།། བསྒྲུབ་པའི་ཁྱད་པར་ཇི་ལྟ་བུ། ཕྲིན་ལས་རིམ་པ་གང་ཞིག་ལགས།། ཧེ་རུ་ཀ་རུ་བདག་སྦྱོར་བའི།། ལམ་གྱི་རིམ་པ་གང་དག་ལགས།། དཔའ་བོ་ཆེན་པོས་བཤད་དུ་གསོལ།། དཔའ་བོས་བསྐུལ་བ་གསན
326a4 ནས་ཀྱང་།། ཆོ་འཕྲུལ་ཆེན་པོ་ཀུན་བསྟན་ནས།། འོད་ཀྱི་དཀྱིལ་འཁོར་འཁྲིགས་པ་ཅན།། བསྐལ་པའི་མེ་ལྟར་འབར་བ་ཡིས།། མ་དག་པ་ནི་མཚམས་བཅད་ནས།། གང་ཟག་དམ་པར་བྱིན་བརླབས་ནས།། གསང
326a5 བའི་བསྟན་པ་བསྒྲགས་པར་མཛད།། ཨེ་མ་ཧོ་སངས་རྒྱས་ཐམས་ཅད་ཀྱིས།། དྲི་མེད་ཡེ་ཤེས་ཧེ་རུ་ཀ། ནམ་མཁའི་དཀྱིལ་འཁོར་སྣ་ཚོགས་སྟོན།། རང་བཞིན་ཀུན་གྱི་རང་བཞིན་ཏེ།། ཐབས་ནི་ཕྱི་ནང་སྦས་པ
326a6 གསུམ།། འབྲས་བུ་རང་བཞིན་མཐར་ཕྱིན་པས།། ཧེ་ནི་དགྱེས་པ་ཆེན་པོ་ཉིད།། རུ་ནི་ཆགས་པ་བདེ་ཆེན་པོ།། ཀ་ནི་ཕྲིན་ལས་མཛད་པར་ཤར།། ལྟ་བ་མ་བཅོས་ཆོས་ཉིད་མཐོང་།། སྤྱོད་པ་སྒོ་གསུམ་བླང་དོར
iiif viewer powered by OpenSeadragon
