| e-texts navigator |
| Wylie |
325a1 རྗེ་འཛིན་པའི་ཆོ་གའི་རིམ་པ་བསྟན་པའི་ལེའུ་སྟེ་དང་པོའོ།། །། དེ་ནས་དེ་བཞིན་གཤེགས་པ་མ་ལུས་པ་སྲས་དང་བཅས་པ་རྣམས་ཀྱིས། འདུལ་བའི་སྐྱེ་བོ་གྲངས་མེད་པའི་བསམ་པ་སོ་སོར
325a2 གཟིགས་པར་གྱུར་ཏེ། ལ་ལ་ནི་ཞེ་སྡང་ཅན་དུ་སྣང་། ལ་ལ་ནི་འདོད་ཆགས་ཅན་དུ་སྣང་། ལ་ལ་ནི་ང་རྒྱལ་ཅན་དུ་གནས། ལ་ལ་ནི་གཏི་མུག་ཅན་དུ་གྱུར། ལ་ལ་ནི་ཕྲག་དོག་ཅན་དུ་གྱུར་ཏེ། ཕྱིན་ཅི་ལོག་ཏུ་གྱུར
325a3 པས། འཁོར་བའི་དངོས་པོ་ལ་འབྱོལ་ཏོག་ཏུ་སྤྱོད་ཅིང་ཞེན་པས། ལོག་པའི་རི་བོ་མངོན་དུ་བརྟས་པས། སྲིད་པ་གསུམ་གྱི་བདག་པོར་བརྟགས་པར་གྱུར་ཏེ། འཇིག་རྟེན་ཀུན་དབང་དུ་བསྡུས་ནས། རྒྱུ་འབྲས་ལོག
325a4 པར་སྨིན་པ་དེ་གཟིགས་ནས། དཀྱིལ་འཁོར་གྱི་འཁོར་ལོས་འདི་སྐད་ཅེས་བསྐུལ་ཏོ།། ཨ་ཧོ།། མ་བཅོས་སྤྲོས་མེད་བྱང་ཆུབ་སྙིང་པོ་ནི།། མཁའ་ལྟར་མི་འགྱུར་ཐིག་ལེ་སྟོང་པ་སྟེ།། མ་རྟོགས་བློ་ལ་རྟོག་པའི་རི་བོ
325a5 སྣང་།། ཐུགས་རྗེས་ཁྲོས་པས་འགྲོ་བ་གདུལ་དུ་གསོལ།། དང་པོ་དམ་བཅས་རྒྱལ་བ་ཐུགས་རྗེ་ཅན།། སྐུ་གསུང་ཐུགས་ལས་སྤྲུལ་པའི་ཆོ་འཕྲུལ་གྱིས།། གདུག་པ་མ་ལུས་བཏུལ་ཞིང་ཚར་བཅད་ནས།། མ་བཅོས
325a6 སྙིང་པོའི་ངང་ལ་དགོངས་སུ་གསོལ།། ཞེས་རྣམ་པར་བསྐུལ་བས། བཅོམ་ལྡན་འདས་དགྱེས་པ་ཆེན་པོ་དེས་བསྐུལ་བར་མཁྱེན་ནས་ཧཱུཾ་ཞེས་གསུངས་པས། དཀྱིལ་འཁོར་གྱི་འཁོར་ལོར་བཅས་པ་ཉིད་ཀྱི་སྐུ་ལ་རིམ
iiif viewer powered by OpenSeadragon
