| e-texts navigator |
| Wylie |
324b1 མཆོད།། བུམ་པ་ལྔ་དང་བཅུ་ཡང་རུང་།། ཡོ་བྱད་ཚང་བར་བྱིན་བརླབས་ལ།། རང་རང་གནས་སུ་འཚམས་པར་གཞག། སྣོད་དང་ལྡན་པའི་སློབ་མ་དག། མོས་པས་ཁྲུས་བྱས་སེམས་བསྐྱེད་དེ།། ལྷག་པར་གནས་པ
324b2 ཇི་བཞིན་བྱ།། རིན་ཆེན་ལྔ་དག་འབྲས་ལྔ་དང་།། འབྱུང་ཁུངས་ལྔ་ལྡན་ཁ་དོག་ལ།། རིགས་ལྔའི་བྱིན་རླབས་བསྡུས་ཏེ་བྲི།། ཟླུམ་པོ་ཐིག་བཞི་ལེའུ་ཚེ་དགུ།། སྒོ་བཞི་ལྡན་པའི་ཚུལ་དུ་བྲི།། རྒྱན་དང་བྲོ་བརྡུང་ཕྲེང་བ
324b3 དང་།། ཡིད་འོང་ལྷ་ཡི་འབྱོར་པས་བསྐོར།། མ་དག་པ་ནི་མཚམས་གཅད་ཅིང་།། དག་པའི་སྒྲུབ་རྫས་བྱིན་བརླབ་དགོད།། ཏིང་འཛིན་ལྷ་བསྐྱེད་གསལ་བསྒོམས་ལ།། བཟླས་དང་འཕྲོ་འདུ་རྒྱུན་མི་གཅད།། ནུས་པ
324b4 ལྡན་པའི་ལྷས་ཐོབ་ནས།། རྣལ་འབྱོར་བདག་ཉིད་འཇུག་པར་བྱ།། དེ་ནས་བླ་མ་མཉེས་བྱས་ལ།། ཆོ་ག་རྒྱས་པར་ཤེས་པ་ཡིས།། གུས་ལྡན་མེ་ཏོག་འཛིན་པ་ཡིས།། སློབ་མ་དམ་ཚིག་ལྡན་པ་དེ།། ཞུགས་ནས་རང
324b5 གི་ཡེ་ཤེས་ཕབ།། ཆོ་ག་བཞིན་དུ་ནན་ཏན་བྱ།། དཀྱིལ་འཁོར་བཞི་ལ་རིམ་ཞུགས་ནས།། དབང་བཞི་རིམ་པ་བཞིན་དུ་སྦྱར།། དེ་ནས་གང་ལ་དགའ་བ་ཡི།། བསྒྲུབ་པའི་གནས་ལ་སྦྱིན་པར་བྱ།། རང་རང་རྟོག་པ
324b6 ལས་བསྟན་པའི།། ཆོ་གའི་རིམ་པ་ལ་བརྟེན་པས།། བརྩོན་འགྲུས་ཏིང་འཛིན་ལྡན་པ་ཡིས།། ཚེ་འདི་ཉིད་ལ་འགྲུབ་པར་འགྱུར།། ཞེས་གསུངས་སོ།། དཔལ་ཧེ་རུ་ཀ་འདུས་པའི་རྒྱུད་ལས། གླེང་གཞི་དང་། དཔལ་རྡོ
iiif viewer powered by OpenSeadragon
