| e-texts navigator |
| Wylie |
324a1 གསུམ་ལ་གནས་བྱའི་ཕྱིར།། དབང་བསྐུར་བདག་ལ་གནང་བ་སྩོལ།། ཞེས་གསོལ་པ་ལས། དེ་མ་ཐག་ཏུ་ཞལ་བསྟན་པ་དང་། ཐིག་ལེ་ཆེན་པོ་དང་བདེ་བ་ཆེན་པོ་དང་། ཡེ་ཤེས་པར་ཆད་མེད་པའི
324a2 དབང་བསྐུར་ནས། མ་ལུས་པའི་ཐིག་ལེ་ཆེན་པོའི་རང་བཞིན་དུ་གསལ་བར་གྱུར་ཏེ། སྐུ་དང་གསུང་དང་ཐུགས་རྡོ་རྗེའི་རང་བཞིན་དུ་དབྱེར་མེད་པར་གྱུར་ཏོ།། དེ་ནས་ནམ་མཁའི་དབྱིངས་དང་མཉམ་པའི་རྒྱལ་བ
324a3 རྒྱ་མཚོ་རྣམས་ཀྱིས་འདི་སྐད་ཅེས་བཀའ་སྩལ་ཏོ།། དམ་ཚིག་གསུམ་ལ་གནས་པ་ཡིས།། བར་ཆད་མེད་པའི་ས་ཕྱོགས་སུ།། བྱང་ཆུབ་མཆོག་ཏུ་སེམས་བསྐྱེད་དེ།། མ་ལུས་དག་པ་གསུམ་བསྒོམས་ནས།། རྒྱལ་བའི
324a4 ཕོ་བྲང་དག་པར་བསྒོམ།། རང་བཞིན་ཇི་ལྟ་བཞིན་བསྒོམས་ལ།། རྒྱལ་བ་ཡབ་ཡུམ་སྲས་དང་བཅས།། སྒོ་བར་བཅས་ཏེ་བསམ་པར་བྱ།། དབྱེར་མེད་མཆོད་བཟླས་བརྟན་ཐོབ་ནས།། བརྟུལ་ལུགས་གསུམ་ནི་བརྟག
324a5 པར་བྱ།། ཤིན་ཏུ་ཡིད་དགའི་ས་ཕྱོགས་དེར།། ས་ཡི་བྱ་བ་ཀུན་བྱས་ནས།། ཚད་དང་ལྡན་པའི་སྟེགས་བུ་བརྩམ།། ཉི་ཤུ་ལྔ་ལྡན་དག་པ་དེར།། བླ་མ་ཡུམ་དང་ལྡན་པ་ཡིས།། ང་རྒྱལ་གསལ་བར་བྱིན་བརླབས
324a6 ནས།། རས་བལ་གཙང་མ་ཉིས་འགྱུར་ཚད།། སྦོམ་ཕྲ་སྒོ་ཡི་ཉི་ཤུ་ཆ།། རང་གི་རྟོག་པ་ཇི་བཞིན་པས།། ཐིག་གདབ་ཆོ་ག་ཇི་བཞིན་བྱ།། དྲི་ཡི་ཐིག་ལེར་མཚན་བཀོད་སྟེ།། ནམ་མཁའི་དཀྱིལ་འཁོར་ཕབ་ཅིང
iiif viewer powered by OpenSeadragon
