| e-texts navigator |
| Wylie |
322b1 སེམས་ཅན་དོན་དུ་བསྔོ།། བྱང་ཆུབ་མཆོག་ནི་ཐོབ་པར་འགྱུར།། ཞེས་གསུངས་སོ།། ཧེ་རུ་ཀའི་གལ་པོ་ཆེན་པོ་ལས། བསམ་གཏན་གྱི་བརྟག་པ་སྟེ་ཉི་ཤུ་གསུམ་པའོ།། །། དེ་ནས་དམ་པའི་རིགས་ཅན་རྣམ་པ
322b2 ལྔས་མཆོད་པས་མཆོད་དེ། པདྨ་རཀྟ་ནིརྨ་ལ། ཀ་མ་ལ་མུཀྟ་ནི། ལོ་ཀ་བན་དྷ་ནི། སརྦ་ཀརྨ་སུ་ཙ་མེ། ཆོས་ལ་ཆགས་པ་ཆགས་པ་སྟེ།། ཡུལ་ལ་ཆགས་པ་ཆགས་པའི་མཆོག། འགྲོ་བའི་གཙོ་ལ་ཕྱག་འཚལ
322b3 ལོ།། ལས་རྣམས་ཐམས་ཅད་རྫོགས་གྱུར་ཏེ།། གཡར་དམ་ཉམས་ཆག་བསྐང་གྱུར་ཅིག། དཔའ་བོ་ཁྱོད་ལ་ཕྱག་འཚལ་ལོ།། བདག་ཅག་ལུང་འདི་གཟུང་བར་བགྱི།། ཞེས་བརྗོད་པས། གསང་བའི་བདག་པོ་ཆོས་ཀྱི
322b4 སྐུར་ཐིམ། དམ་པའི་རིགས་ཅན་རྣམས་ཀྱིས་རྗེས་སུ་བཟུང་ངོ་།། ཧེ་རུ་ཀའི་གལ་པོ་ཞེས་བྱ་བ་ལུང་ཐམས་ཅད་ཀྱི་རྒྱལ་པོ་རྫོགས་སོ།། ། པདྨ་སམྦྷ་ཝས་བ་སུ་དྷ་ར་ལ་གནང་། དེས་སངས་རྒྱས་ཡེ་ཤེས
322b5 རིན་པོ་ཆེ་ལའོ།། །།
322b6 རྒྱ་གར་སྐད་དུ། ཤྲཱི་ཧེ་རུ་ཀ་ཡ་མཱ་ཛ་ཏནྟྲ་ནཱ་མ། བོད་སྐད་དུ། དཔལ་ཁྲག་འཐུང་འདུས་པའི་རྒྱུད་ཅེས་བྱ་བ། དཔལ་ཁྲག་འཐུང་རྒྱལ་པོ་ལ་ཕྱག་འཚལ་ལོ།། འདི་སྐད་བདག་གིས་ཐོས་པའི་དུས་གཅིག
iiif viewer powered by OpenSeadragon
