| e-texts navigator |
| Wylie |
322a1 དང་འདྲ་བར་འགྱུར།། འདོད་ཁམས་གནས་པའི་བུ་མོ་ནི།། ལྷ་ཡི་ལོངས་སྤྱོད་བརྟུལ་ཞུགས་མའམ།། ཡང་ན་གཟུགས་ཁམས་གནས་པ་ལ།། སྟོངས་ཆེན་གྱིས་ནི་འདོད་པ་སྤྱད།། གལ་ཏེ་བྱང་ཆུབ
322a2 མཆོག་འདོད་ན།། ལག་པའི་ཕྱག་རྒྱ་མི་བཅིང་ངོ་།། མཆོད་རྟེན་དག་གི་ལས་མི་བྱ།། གླེགས་བམ་བཀླག་པར་མི་བྱ་ཞིང་།། དཀྱིལ་འཁོར་དག་ཀྱང་ཡོངས་མི་བྲི།། རྡོ་རྗེ་གསུམ་མཆོག་ཕྱག་མི་བྱ།། སངས་རྒྱས་བྱང
322a3 ཆུབ་སེམས་དཔའ་དང་།། རང་རྒྱལ་ཉན་ཐོས་དེ་བཞིན་ཏེ།། སྐུ་གསུང་ཐུགས་སུ་སྦྱོར་བ་ན།། ཕྱག་འཚལ་ན་ནི་མ་རུངས་འགྱུར།། སེམས་ཅན་རྣམས་ལ་མདོ་རུ་ནི།། བསམ་གཏན་རྡོ་རྗེ་བསྐུལ་བར་བྱ།། རྡོ་རྗེ
322a4 གསུམ་གྱི་ཕྱག་འཚལ་མཆོག། རྡོ་རྗེའི་ཐིག་ནི་གདབ་པ་དང་།། ཚོན་རྩི་རྣམས་ནི་འགྱེད་པ་དང་།། སྔགས་ནི་སེམས་དཔས་མི་བྱ་སྟེ།། བྱས་ན་བྱང་ཆུབ་རྙེད་པར་དཀའ།། སྐུ་དང་གསུང་དང་ཐུགས་རྡོ་རྗེའི།། རྣལ
322a5 འབྱོར་འདི་གྱུར་ཕྱིན་ཆད་ནི།། བཀླག་གམ་ཡང་ན་སེམས་ཀྱང་རུང་།། རྡོ་རྗེ་འཛིན་པར་དེ་ཡང་འགྱུར།། གཏེར་སྤ་བཟོད་གསོལ་དཀྱིལ་འཁོར་བསྡུ།། སྨོན་ལམ་བཀྲ་ཤིས་བྲོ་བརྡུངས་ཏེ།། དགེ་བསྔོ་མ་དག
322a6 བཤགས་པ་དང་།། རྒྱུན་གྱི་ཏིང་འཛིན་ནན་ཏན་བྱ།། བསྐང་གསོའི་ལས་ལ་རབ་འབད་ནས།། སྒོས་མདོས་བརྒྱ་དང་རྩ་བརྒྱད་ཀྱིས།། བཀའ་ཡི་སྲུང་མ་བསྐང་བ་དང་།། ཧེ་རུ་ཀ་ཡི་ཐུགས་མདོས་བྱ།། ཀུན་ཀྱང
iiif viewer powered by OpenSeadragon
