| e-texts navigator |
| Wylie |
321b1 གསུང་ཐུགས་སྒྲུབ་པའོ།། རྡོ་རྗེ་ནམ་མཁའི་དབྱིངས་གནས་པར།། གསལ་བའི་དཀྱིལ་འཁོར་བསྒོམ་པར་བྱ།། ལུས་ངག་སེམས་ལ་ཡི་གེ་ཨོཾ།། བསམས་ན་དེ་ནི་བསྐལ་པར་གནས།། རྡོ་རྗེ་ནམ་མཁའི་དབྱིངས
321b2 གནས་པར།། ཆོས་ཀྱི་འཁོར་ལོ་བསྒོམ་པར་བྱ།། ལུས་ངག་སེམས་ལ་ཡི་གེ་ཨཱཿ། བསམས་ན་དེ་ནི་བསྐལ་པར་གནས།། རྡོ་རྗེའི་དཀྱིལ་འཁོར་བསྒོམ་པར་བྱ།། ལུས་ངག་སེམས་ལ་ཡི་གེ་ཧཱུཾ།། བསམས་ན་དེ་ནི
321b3 བསྐལ་པར་གནས།། དེ་ནི་བསྐལ་པར་གནས་པ་ཡི།། ཚེ་ཡི་རིག་འཛིན་གསུམ་བསྒྲུབ་པོ།། དུར་གྱི་ཁྲོད་ལ་སོགས་པའི་གནས།། བསམ་གཏན་བསྡུས་པ་འདི་དག་བསྒོམ།། མི་བསྐྱོད་ཡེ་ཤེས་དག་ལ་སོགས།། རྡོ་རྗེ
321b4 ནམ་མཁའི་དཀྱིལ་དུ་བསམ།། མངོན་ཤེས་ལྔ་པོའི་སྦྱོར་བ་ཡིས།། སངས་རྒྱས་མཆོག་གི་གནས་སུ་བསྒོམ།། རྡོ་རྗེ་ཆེན་པོ་རྩེ་ལྔ་པ།། འབར་བ་ལྔ་ལ་སོགས་པས་བརྒྱན།། གནས་ལྔ་དག་ཏུ་སྦྱོར་བ་ཡིས།། རྡོ་རྗེ
321b5 མངོན་ཤེས་འདྲ་བར་འགྱུར།། ག་བུར་ཙནྡན་སྦྱར་བ་ཡི།། རི་ལུ་ལྕགས་གསུམ་གྱིས་དཀྲིས་པ།། དབང་པོ་གཉིས་ཀྱི་སྦྱོར་བ་ཡིས།། སངས་རྒྱས་ཀུན་གྱིས་མི་མཐོང་ངོ་།། གླང་པོ་ཨ་ག་རུ་སྦྱར་བའི།། རིལ་བུ་ལྕགས
321b6 གསུམ་གྱིས་དཀྲིས་པ།། དབང་པོ་གཉིས་ཀྱི་སྦྱོར་བ་ཡིས།། རྡོ་རྗེ་སྟོབས་པོ་ཆེར་འགྱུར་རོ།། རྡོ་རྗེ་འཛིན་པ་གང་ཡང་རུང་།། ཕྱག་རྒྱ་ཆེན་པོར་བྱིན་བརླབས་ནས།། དེ་ནི་དཔལ་དང་ལྡན་པ་ཡི།། སངས་རྒྱས་འོད
iiif viewer powered by OpenSeadragon
