| e-texts navigator |
| Wylie |
99b1 པའི།། འགྲོ་བ་གཞན་ན་མི་མངའ་སྟེ།། ལས་དང་ལོངས་སྤྱོད་སོ་སོར་སྣང་།། གཅིག་ལས་དྲུག་རིགས་བསམ་ལས་འདས།། ཐོག་མཐའི་དོན་ལས་གོལ་ནས་སུ།། ཕྱི་ནང་རྟེན་ཅིང་འབྲེལ་འབྱུང་འཁོར།། བྱང་ཆུབ
99b2 སེམས་ཀྱི་སྣང་བ་འདི།། དེ་ཡང་སྣང་ཡང་སངས་རྒྱས་ཡིན།། ཞེས་གསུངས་སོ།། དེ་ནས་སངས་རྒྱས་ཀྱི་མཁྱེན་པས་གཟིགས་ནས་ཐུགས་རྗེའི་ཡེ་ཤེས་ཆེན་པོར་བསྐྱེད་པའི་གཞི་འདི་སྐད་དུ་ཅེས་གསུངས
99b3 སོ།། རྫོགས་སངས་རྒྱས་དང་དམྱལ་བ་ཡང་།། སེམས་ཉིད་རང་བཞིན་འོད་གསལ་ཏེ།། དེ་ལ་གཞི་དང་རྩ་བ་མེད།། ཆོས་སྐུ་ཉིད་པས་གཞན་མི་མངའ།། ཇི་ལྟར་ཐ་དད་སྣང་གྱུར་པ།། ཐམས་ཅད་མཁྱེན་པའི་སྤྱན་གྱི
99b4 གཟིགས།། མངོན་ཤེས་དྲུག་གི་ཡུལ་དུ་སྣང་།། ལས་དང་ཐུགས་རྗེས་འབྲེལ་བའི་སྟོབས།། མུན་པའི་ནང་དུ་འཁོར་བ་ཀུན།། མ་རྟོགས་འཆལ་བ་རྒྱང་འཕེན་པ།། དམངས་རིགས་དང་ནི་རིགས་མ་དེས།། རིགས
99b5 ཆད་པ་དང་འདུ་ཤེས་ཅན།། ལོག་པར་རྟོག་པའི་མུ་སྟེགས་པ།། རང་བཞིན་དབང་ཕྱུག་རྒྱུར་འདོད་དང་།། རྡུལ་ཕྲན་ངོ་བོ་ཉིད་གྱུར་སྨྲ།། བྱེད་པ་རིག་བྱེད་རྟག་པར་བལྟ།། ཚེ་ལ་སྔ་ཕྱི་མེད་འདོད་ཅིང་།། ཡོན་ཏན
99b6 ལས་འབྲས་ཆད་པར་འདོད།། ཆོས་དང་གང་ཟག་བདག་ཏུ་འཛིན།། རྡུལ་ཕྲན་སྨྲ་བ་ཉན་ཐོས་ཅན།། ཕྱི་ནང་རྟེན་ཅིང་འབྲེལ་བ་དང་།། ལུགས་འབྱུང་དེ་ལྡོག་རང་སངས་རྒྱས།། དོན་དམ་བློ་ཡི་དང་སྟོང་ཞིང་།། ཀུན
iiif viewer powered by OpenSeadragon
