| e-texts navigator |
| Wylie |
99a1 སོ།། འཁོར་བ་མྱ་ངན་འདས་པའི་ཆོས།། སྤྱི་དང་རང་གི་མཚན་ཉིད་རྣམས།། མ་འདྲེས་ཡོངས་སུ་རྫོགས་པའི་དོན།། རང་བཞིན་བང་གིས་མཉམ་པ་ཉིད།། དེ་ནས་གོས་དཀར་མོས་འདི་གསུངས
99a2 སོ།། སྟོང་ཉིད་ཡེ་ཤེས་སྙིང་པོ་ནི།། ཕྱོགས་གཞན་རང་སར་རྟོགས་པའི་བློས།། སོ་སོའི་རང་གཞུང་ངེས་རྟོགས་ནས།། ཀུན་ཏུ་རྟོགས་པར་རབ་ཤེས་བྱོས།། དེ་ནས་དམ་ཚིག་སྒྲོལ་མས་འདི་གསུངས་སོ།། ཆོས་རྣམས
99a3 ཡོངས་སུ་རྫོགས་པའི་དོན།། དབྱར་མེད་དང་དུ་གནས་པ་ནི།། བྱ་བ་ཐམས་ཅད་འགྲུབ་པ་སྟེ།། དབྱིངས་དང་ཡེ་ཤེས་འདུ་འབྲལ་མེད།། ཨ་ཧོ་ཞེས་བརྗོད་པས།། འཆད་པའི་སྐྱེས་བུ་ཉིད་དགྱེས་པར་གྱུར
99a4 ཏོ།། དབང་ཆེན་འདུས་པའི་རྒྱུད་ལས།། བྱང་ཆུབ་མཆོག་ཏུ་སེམས་ངེས་པར་བསྐྱེད་པའི་ལེའུ་སྟེ་གསུམ་པའོ།། །། དེ་ནས་བཅོམ་ལྡན་འདས་ཐེག་པ་ཐམས་ཅད་རབ་ཏུ་གསལ་བ་ཞེས་བྱ་བའི་ཏིང་ངེ
99a5 འཛིན་ལ་སྙོམས་པར་ཞུགས་སོ།། དེའི་ཚེ་འདི་སྐད་ཅེས་གསུངས་སོ།། ཡེ་ཉིད་ཇི་བཞིན་ལྷུན་གྲུབ་ནི།། ནམ་མཁའ་དང་ནི་ཉི་མ་བཞིན།། ཡངས་ཤིང་རྒྱ་ཆེ་འོད་གསལ་བ།། འཁོར་འདས་འབྱུང་བའི་རང་བཞིན
99a6 ཅན།། སྲིད་རྩ་བདག་ལས་ལྷན་ཅིག་བྱུང་།། ཀུན་ཏུ་བརྟགས་པའི་རྟོག་པས་བསླད།། དགེ་སྡིག་ལས་གསུམ་བག་ཆགས་ཅན།། ཉོན་མོངས་ལྔ་ཡིས་རྣམ་པར་བསྐྱེད།། སྣོད་བཅུད་གཉིས་ལས་མ་གཏོགས
iiif viewer powered by OpenSeadragon
