| e-texts navigator |
| Wylie |
98b1 ལས།། སངས་རྒྱས་རིན་འབྱུང་རང་བྱུང་སྐུ།། འཛམ་བུ་ན་དའི་གསེར་འོད་འདྲ།། སྦྱིན་པ་གཏོང་བའི་ཕྱག་རྒྱ་ཅན།། བདག་མེད་རྡོ་རྗེའི་ཏིང་འཛིན་ལ།། སྙོམས་པར་ཞུགས་ནས་འདི་དག་གསུངས།། ཆོས
98b2 རྣམས་ཐམས་ཅད་དགོས་མེད་ཅིང་།། ཆོས་ཀྱི་མཚན་ཉིད་རྣམ་པར་སྤངས།། བདག་མེད་ཆོས་ལས་ཡང་དག་བྱུང་།། བྱང་ཆུབ་ཚུལ་ནི་བསྟན་པའོ།། །། ཞེས་གསུངས་སོ།། གསང་གནས་རྡོ་རྗེ་རྒྱ་གྲམ
98b3 ལ།། སངས་རྒྱས་དོན་གྲུབ་རང་བྱུང་སྐུ།། སྦྱིན་གཏོང་ཨིནྡྲ་ནཱི་ལིའི་མདོག། ཟིལ་གནོན་རྡོ་རྗེའི་ངང་ནས་གསུངས།། ཆོས་འདི་རང་བཞིན་འོད་གསལ་ཞིང་།། གདོད་ནས་དག་པས་མཁའ་དང་མཉམ།། བྱང་ཆུབ་མེད
98b4 ཅིང་མངོན་རྟོག་མེད།། བྱང་ཆུབ་སེམས་ནི་ཡིན་པར་བཤད།། ཅེས་གསུངས་སོ།། ཨེ་མ་ཧོ།། ཞེས་གསུངས་པས་ཐམས་ཅད་ཀུན་རྫོབ་དང་དོན་དམ་པའི་བྱང་ཆུབ་སེམས་ཀྱིས་ཁྱབ་པར་གྱུར་ཏོ།། དེ་ནས་ནམ་མཁའི
98b5 དབྱིངས་ཕྲུག་མས་འདི་གསུངས་སོ།། སྣོད་བཅུད་སྣང་བའི་རང་བཞིན་འདི།། རྒྱུ་རྐྱེན་འབྲས་བུ་ངང་གིས་སྟོང་།། དེ་ཉིད་མ་སྐྱེས་ཆོས་ཀྱི་དབྱིངས།། ཆོས་རྣམས་ཡོངས་ཀྱི་འབྱུང་གནས་སོ།། དེ་ནས་སངས་རྒྱས་སྤྱན
98b6 གྱིས་འདི་གསུངས་སོ།། རང་བཞིན་འོད་གསལ་སེམས་ཉིད་འདི།། མེད་ལས་ཡོད་སྣང་སྒྱུ་མར་སྣང་།། མེ་ལོང་ལྟ་བུར་རང་གསལ་བས།། ཡོངས་ལ་ཁྱབ་པར་དེ་འགྱུར་རོ།། དེ་ནས་མཱ་མ་ཀཱི་ས་འདི་གསུངས
iiif viewer powered by OpenSeadragon
