| e-texts navigator |
| Wylie |
97a1 སོ།། དབང་ཆེན་འདུས་པའི་ཏན་ཏྲ་ལས། གླེང་གཞིའི་ལེའུ་སྟེ་དང་པོའོ།། །། དེ་ནས་བཅོམ་ལྡན་འདས་ཀུན་ཏུ་བཟང་པོས།། ཆོས་ཐམས་ཅད་ཀྱི་དེ་ཁོ་ན་ཉིད་ཀྱི་ཏིང་ངེ་འཛིན་ལ་སྙོམས་པར
97a2 ཞུགས་སོ།། དེ་ཡི་བྱིན་གྱིས་བརླབས་ལས།། བ་སྤུའི་བུ་ག་ནས་འོད་ཟེར་བརྒྱ་སྟོང་དུ་མ་འཕྲོས་པས་རྔ་རྗེ་སྙིང་པོ་ལ་ཕོག་པར་གྱུར་ཏོ། དེའི་ཚེ་རྡོ་རྗེ་སྙིང་པོ་སྟན་ལས་ལངས་ཏེ། བཅོམ་ལྡན་འདས་ལ་ལྷ་རྫས་ཀྱི
97a3 མཆོད་པ་མང་པོས་མཆོད་ནས། འདི་སྐད་ཅེས་བསྐུལ་ཏོ།། རྣམ་པར་རྟོག་བྲལ་གདོད་ནས་སྐྱེ་མེད་དབྱིངས།། མ་བཅོས་མཐའ་ཡས་ཡེ་ཤེས་ཆེན་པོར་གསལ།། སྒྲ་བསམ་ཡུལ་འདས་མཐའ་དག་འོད་གསལ
97a4 ཞིང་།། དམིགས་མེད་ཡུལ་བྲལ་སྙིང་རྗེས་ཡོངས་ལ་ཁྱབ།། མཁའ་དང་སྟོང་པའི་ཆོ་འཕྲུལ་གསལ་མཛད་ཅིང་།། དྲི་མེད་ཐུགས་རྗེའི་འོད་མདངས་གསལ་བ་ཡིས།། ཐུགས་ཀྱི་རྟགས་སྟོན་འོད་ཟེར་རྒྱལ་བའི
97a5 སྐུ།། རྣམ་གསུམ་སེམས་དཔའ་གསང་སྔགས་འོད་ཕྲེང་ཚོགས།། ཆགས་པའི་སྐྱོན་བྲལ་ཡེ་ཤེས་ལྔ་ཡི་མདངས།། སྐུ་གསུང་ཡེ་ཤེས་རྣམ་ལྔའི་དགོངས་པ་རྣམས།། བདག་གཞན་འབྲས་བུ་ཐོབ་ཕྱིར་བཤད་དུ
97a6 གསོལ།། ཞེས་གླུས་བསྐུལ་ཏོ།། དེ་ནས་བཅོམ་ལྡན་འདས་ཀྱིས་གཟུངས་ཀྱི་དཀྱིལ་འཁོར་འབྱིན་པ་ཞེས་བྱ་བའི་དགོངས་པ་སྟོན་པ་ནི། གཟུངས་ཀྱི་རྒྱལ་མོ་ནམ་མཁའི་རྡོ་རྗེ་མ་དང་། ས་རྡོ་རྗེ་མ་དང་། ཆུ་རྡོ་རྗེ་མ
iiif viewer powered by OpenSeadragon
