| e-texts navigator |
| Wylie |
267b1 བྱོན་ཚུར་བྱོན་ཀླུ་ཚོགས་རྣམས།། རིན་ཆེན་ལྔ་དང་དར་ཟབ་དང་།། དགྱེས་མཆོད་དམ་པ་འོ་མ་མར།། བུ་རམ་སྦྲང་རྩི་རྩི་བཅུད་འབུལ།། ཀླུ་རྒྱལ་བཞུགས་པ་འཁོར་བཅས་ལ།། མགྲོན་གྱི་དམ
267b2 པར་སྤྱན་འདྲེན་ན།། བདག་ཉིད་དད་པས་མཆོད་ལགས་ཀྱི།། བཞེས་ཤིག་རོལ་ཅིག་ཀླུ་ཡི་ཚོགས།། རྒྱན་གྱི་མཆོད་པ་འདི་བཞེས་ཤིག། ནཱ་ག་རཱ་ཛ་ས་མ་ཡ་ཨ་མྲྀ་ཏ་སརྦ་ཁ་ཁ་ལེ་ལེ། ཞེས་མཆོད
267b3 ཅིང་ཕྲིན་ལས་བཅོལ་ལོ།། མཐའ་བསྒྱུར་ལས་ཀྱི་སྐབས་ཀྱིས་ཤེས།། ཀླུ་མཆོད་ཅིང་ཕྲིན་ལས་བཅོལ་བའི་ལེའུ་སྟེ་སུམ་ཅུ་དྲུག་པའོ།། །། དེ་ནས་བཅོམ་ལྡན་འདས་དཔལ་རྟ་མགྲིན་གྱིས་ནཱ་ག
267b4 ཀླུ་འདུལ་བའི་ཏིང་ངེ་འཛིན་ལས་བཞེངས་ནས། འདི་སྐད་ཅེས་འཁོར་རྣམས་ལ་བཀའ་སྩལ་པ། ཀྱེ་ཀྱེ་གདུག་པ་ཅན་གྱི་ཚོགས།། ལྔ་བརྒྱ་དུས་ཀྱི་ཐ་མ་ལ།། ཀླུ་ཡི་བསྟན་པ་དར་བའི་ཚེ།། ནད་དུ་ཙི
267b5 ཅིཙི་ཛ་ལ་འབྱུང་།། དེ་ཚེ་ཀླུ་ཆེན་བྱེད་རྣམས་ཀྱིས།། ཁྲོ་རྒྱལ་ང་ཡི་བཀའ་མ་བཅག། གལ་ཏེ་ང་ཡི་བཀའ་བཅག་ན།། ཁྱེད་རྣམས་རྡུལ་དུ་བརླག་པར་འགྱུར།། ང་ཡི་བཀའ་ནི་བདེན་པར་སྒྲུབས།། ཞེས
267b6 གསུངས་པས། ཀླུ་ཡི་ཚོགས་ཀྱི་འཁོར་རྣམས་ཀྱིས་གསོལ་བ།། ཀྱེ་ཀྱེ་དཔལ་ཆེན་རྟ་མགྲིན་རྒྱལ།། ཀླུ་བདག་རྒྱལ་པོའི་བཀའ་བཞིན་བགྱིད།། ཁྱོད་ནི་ཀླུ་རྗེ་ནམ་མཁའ་ལྡིང་།། རྒྱལ་པོའི་རྒྱལ་པོ་རྟ
iiif viewer powered by OpenSeadragon
