| e-texts navigator |
| Wylie |
267a1 དུས་འདིར་སྩལ་དུ་གསོལ།། ང་ནི་དཔའ་བོ་རྟ་མགྲིན་རྒྱལ་པོ་སྟེ།། ཀླུ་རྒྱལ་གདན་སྟེང་ཀླུ་བྲན་ཟས་སུ་ཟ།། ཀླུ་རྣམས་ང་ཡི་བཀའ་ལས་མ་འདའ་ཅིག། ཀླུ་རྣམས་ང་ཡི་བཀའ་ལས
267a2 འདའ་གྱུར་ན།། མགོ་ལུས་ཡན་ལག་འཚིག་པར་འགྱུར་བ་དང་།། ཀླུ་ཡི་གནས་རིས་བརླག་པར་འགྱུར་ཏ་རེ།། ཨོཾ་ཤྲཱི་པདྨནྟ་ཀྲྀཏ་བཛྲ་ཀྲོ་ཏ་ཧཱུཾ། ཧ་ཡ་གྲཱི་ཝ་ཧྲི་ཧྲི། ཧུ་ལུ་ཧུ་ལུ་ཧཱུཾ་ཕཊ། ཨོཾ་ཛ་ལ་ཛ་ལ
267a3 བཛྲ་པ་ཏི་ས་མ་ཡ་ཛ། ཞེས་ཀླུ་རྣམས་བདག་གི་དབང་དུ་འགྱུར་བ་དང་བྲན་དུ་འགྱུར་རོ།། དཔལ་རྟ་མགྲིན་ལ་བསྟོད་ཅིང་།། ཀླུ་དབང་དུ་བསྡུ་བའི་ལེའུ་སྟེ་སུམ་ཅུ་ལྔ་པའོ།། །། ཀླུ་རྣམས
267a4 མཆོད་ཅིང་ཕྲིན་ལས་བཅོལ་བ་ནི། ཀྱེ་ཀྱེ་ཚུར་སྤྱོན་ཚུར་སྐྱོན་ཕྲིན་ལས་མཛོད།། ཀླུ་རྒྱལ་ཁྱེད་ཀྱི་ཞལ་ཟས་འདི་ན་མཆིས།། བརྩེ་ཞིང་གདུང་ཕྱིར་གཤེགས་སུ་གསོལ།། བཅོལ་བའི་ལས་རྣམས
267a5 འགྲུབ་པར་མཛོད།། ཀ་ར་བུ་རམ་མངར་གྱི་བཅུད།། ཁྱེད་ཀྱི་ལོངས་སྤྱོད་འདི་ན་མཆིས།། ཀླུ་གཉེན་ཕོ་མོ་འདི་བཞེས་ལ།། བཅོལ་པའི་ལས་རྣམས་འགྲུབ་པར་མཛོད།། ཚུར་སྦྲོན་ཚུར་གཤེགས་ཀླུ
267a6 རྒྱལ་རྣམས།། ནཱ་ག་གེ་སར་ན་ག་པུ་ཥྤ་དང་།། རྒྱ་མཚོ་ལྦུ་བ་ཨུཏྤ་ལ།། དབང་ལག་ཆུ་སྲིན་སྡེར་མོ་རྣམས།། ཀླུ་རྒྱལ་ཁྱེད་ལ་མཆོད་པར་འབུལ།། བཅོལ་བའི་ལས་རྣམས་འགྲུབ་པར་མཛོད།། ཚུར
iiif viewer powered by OpenSeadragon
