| e-texts navigator |
| Wylie |
266a1 དབུལ།། ཧཱུཾ་ནཱ་ག་རཱ་ཛ་ས་མ་ཡ་ཛ། ཤིག་ཤིག་ཁྲོལ་ཁྲོལ། ཚོད་ཆོད། བྱད་ཁྲོལ་ཞེས་བཟླས།། རང་ཉིད་རྟ་མགྲིན་ཏིང་འཛིན་བསྒོམ།། ཀླུ་ཡི་བྱད་དེ་བཅད་པར་བསམ།། ནཱ་ག་རཱ་ཛ
266a2 ཚོད་ཁྲོལ་ཞེས་བྱས་ལ།། གྲི་ཡི་ཚོན་སྐུད་གཅད་པར་བྱ།། ཚོན་སྐུད་གཏོར་མའི་ནང་དུ་གཞུག། ཀླུ་ཡི་ས་རུ་གཏོར་མ་ཡི།། ཡས་སྟགས་དཀྱིལ་འཁོར་ས་ཚོན་བསྐུལ།། བྱད་དུ་བཅུག་པ་གྲོལ་བར
266a3 འགྱུར།། བྱད་དགྲོལ་བའི་ལེའུ་སྟེ་སུམ་ཅུ་བཞི་པའོ།། །། ཀླུ་རྣམས་དབང་དུ་སྡུད་པ་དང་།། མཆོད་ཅིང་ཕྲིན་ལས་བཅོལ་བ་ནི།། ཧཱུཾ། རང་བཞིན་ལྷུན་གྱིས་གྲུབ་པའི་གནས་མཆོག་འདིར།། ཆུ
266a4 སྲིན་གཞལ་ཡས་བྱ་ཁྱུང་བླ་རེ་ནི།། པདྨ་ཉི་མའི་གདན་ལ་གསལ་བཞུགས་པ།། དབང་གི་རྒྱལ་པོ་ཁྲོ་རྒྱལ་རྟ་མགྲིན་དཔལ།། སྐུ་མདོག་དམར་ནག་ཆགས་མེད་པདྨ་འདྲ།། ཞལ་ཅིག་ཕྱག་གཉིས
266a5 ཞབས་གཉིས་བརྐྱང་བསྐུམ་བགྲད།། ཕྱག་མཚན་མཚོན་ཆས་དྲེགས་པ་མ་ལུས་འཇོམས།། མགུར་ཆུ་དཀར་ཁྲའི་སྦྲུལ་གྱིས་བརྒྱན་པ་ནི།། རྒྱལ་རིགས་ཀླུ་རྣམས་དབང་དུ་སྡུད་པའི་རྟགས།། དབུ་རྒྱན
266a6 དམར་ཁྲའི་སྦྲུལ་གྱིས་བརྒྱན་པ་འདི།། བྲམ་ཟེའི་ཀླུ་རྣམས་དབང་དུ་སྡུད་པའི་རྟགས།། ཕྱག་གདུབ་སེར་ཁྲའི་སྦྲུལ་གྱིས་བརྒྱན་པ་འདི།། རྗེ་རིགས་ཀླུ་རྣམས་དབང་དུ་སྡུད་པའི་རྟགས།། སྐུ་རིགས
iiif viewer powered by OpenSeadragon
